Introduction
Roma Bi
NYA TSƆƆMI Paulo to e yi mi kaa e ma ya slaa Kristo asafo nɛ ngɛ Roma a, lɔ ɔ he ɔ, e sɛ hlami ngma womi nɛ ɔ, konɛ e kɛ wo mɛ si. E to e yi mi kaa e ma ya tsu ní ngɛ lejɛ ɔ be bɔɔ, konɛ pee se ɔ, asafo ɔ nɛ wo lɛ blɔ kɛ ya Spania. Bɔ nɛ lɛ nitsɛ e nuɔ Kristo hemi kɛ yemi ɔ sisi, kɛ bɔ nɛ sa nɛ enɛ ɔ nɛ je kpo ngɛ Kristo we bi tsuo a wami si himi mi ɔ, lɔ ɔmɛ e ngma ngɛ womi nɛ ɔ mi. Paulo sɛ gbi kɛ ha Kristo se nyɛɛli ɔ jeɔ kpo saminya ngɛ womi nɛ ɔ mi. Sisije ɔ, Paulo nga Roma asafo ɔ, nɛ e ha a le kaa e kpaa Mawu pɛɛ kɛ haa mɛ daa. Lɔ ɔ se ɔ, e tsɔɔ munyu oti nɛ ngɛ womi ɔ mi, nɛ lɔ ɔ ji kaa “Sane kpakpa a lɛ tsɔɔ kaa kɛ je sisije kɛ ya si nyagbe ɔ, hemi kɛ yemi nɔ Mawu daa, nɛ e kɛ buu nimli adesahi nihi nɛ da.” (1.17) Paulo ya nɔ nɛ e tsɔɔ munyu oti ɔ nya. E ke adesahi tsuo, Yuda bi jio, ma je li jio, e hia kaa Mawu nɛ bu mɛ nihi nɛ da, ejakaa mɛ tsuo a ngɛ yayami he wami sisi. Mawu buɔ nɔ nɔ nɛ da, ke e he Yesu Kristo ye. Jehanɛ, Paulo tsɔɔ bɔ nɛ tsakpa nɛ ba nɔ ɔ kɛ Mawu a kpɛti ɔ haa e naa wami he ngɛ Yesu Kristo mi. Nɔ nɛ heɔ Yesu yeɔ ɔ, Mawu mumi ɔ kpɔɔ lɛ kɛ jeɔ yayami, kɛ gbenɔ he wami ɔ sisi, nɛ e naa Mawu he jɔmi. Kɛ je yi 5 kɛ ya si yi 8 ɔ, Paulo tsɔɔ nɔ́ nɛ Mawu mlaa a tsuɔ, kɛ bɔ nɛ Mawu mumi ɔ he wami ɔ tsuɔ ní ngɛ nɔ nɛ he Yesu ye ɔ e je mi si himi mi. Paulo ya nɔ nɛ e tsɔɔ nya kaa Mawu ha Yuda bi, kɛ ma je li tsuo blɔ nya ngɛ yi mi nɛ e to kɛ ha adesahi tsuo ɔ mi. E mu munyu ɔ nya kaa Mawu nitsɛ e blɔ nya tomi nya nɛ Yuda bi ɔmɛ kua Yesu, nɛ kɛ gu enɛ ɔ nɔ ɔ, adesahi tsuo ma ba ná Mawu dloomi ɔ. Se e he we yi kaa Yuda bi ɔmɛ ma kua Yesu kɛ maa ya neneene. Nyagbe ɔ, Paulo tsɔɔ bɔ nɛ sa kaa Kristo we bi nɛ ba a je mi ha, titli ɔ, bɔ nɛ e sa nɛ a suɔ ni kpahi. Sane pɔtɛɛ komɛ hu nɛ e tu a he munyu ji Mawu sɔmɔmi ní tsumi, Kristo we bi a blɔ nya ní tsumi ha a ma, kɛ mɛ nitsɛmɛ a sibi, kɛ bɔ nɛ nɔ he nile tsuɔ ní. Paulo gbe womi ɔ nya kɛ lɛ nitsɛ e sɛ gbi komɛ, nɛ e je Mawu yi. Bɔ nɛ a dla womi ɔ mi ha • Nya tsɔɔmi, kɛ munyu oti ɔ nitsɛ 1.1-17
• E hia kaa a he adesa yi wami 1.18—3.20
• Bɔ nɛ Mawu peeɔ kɛ heɔ nɔ yi wami 3.21—4.25
• Wami he nɛ a naa ngɛ Kristo mi 5.1—8.39
• Mawu yi mi tomi kɛ ha Israel 9.1—11.36
• Kristo we bi a je mi bami 12.1—15.13
• Nyagbe munyuhi, kɛ ngami 15.14—16.27
• E hia kaa a he adesa yi wami 1.18—3.20
• Bɔ nɛ Mawu peeɔ kɛ heɔ nɔ yi wami 3.21—4.25
• Wami he nɛ a naa ngɛ Kristo mi 5.1—8.39
• Mawu yi mi tomi kɛ ha Israel 9.1—11.36
• Kristo we bi a je mi bami 12.1—15.13
• Nyagbe munyuhi, kɛ ngami 15.14—16.27