Marko 8

Yesu ha nimli akpe eywiɛ niye ní

(<x>470 15:32-39</x>)

1 Pee se ɔ, nihi babauu ba bua a he nya ekohu. A nɛ́ nɔ́ ko nɛ a ye; lɔ ɔ he ɔ, Yesu tsɛ e kaseli ɔmɛ kɛ ba e ngɔ, nɛ e de mɛ ke,

2 “Ye mi mi ngɛ mi sããe ngɛ nimli kpekpemi nɛ ɔmɛ a he, ejakaa a kɛ mi hi si ligbi etɛ sɔuu, nɛ a be nɔ́ ko nɛ a maa ye.

3 Ke i ngmɛɛ a he nɛ a kɛ mi mi hwɔ je hiɛ ɔ kɛ yaa we mi ɔ, klibi ma ya po mɛ ngɛ blɔ ɔ nɔ, ejakaa a ti ni komɛ je hehi nɛ kɛ.”

4 E kaseli ɔmɛ he nɔ ke, “Jije nɔ ko ma ná niye ní nɛ maa su nimli kpekpemi nɛ ɔmɛ a nya ngɛ nga nɔ hiɛmɛ nɛ ɔ?”

5 E bi mɛ ke, “Abolo nyɛmɛ nyɛ ngɛ?” A he nɔ ke, “Kpaago.”

6 Kɛkɛ nɛ e de nimli kpekpemi ɔ ke a hi si ngɛ zugba. Jehanɛ Yesu kukuɔ abolo kpaago ɔ, nɛ e na Mawu si, nɛ e ku mi ngɔ ha e kaseli ɔmɛ konɛ a dla ha ni ɔmɛ. Nɛ a pee ja.

7 A ngɛ lo tsɔwi bɔɔ ko hulɔ. Yesu gbaa nɔ, nɛ e fa ke a dla lɔ ɔ hu ha mɛ.

8 Nɔ tsuaa nɔ ye nɛ e tɔ, nɛ kaseli ɔmɛ bua bibliwi nɛ piɛ ɔ nya kɛ wo kusii kpaago mi tɔtɔɔtɔ.

9 Nihi nɛ ye ní ɔ a yibɔ maa pee akpe eywiɛ. Lɔ ɔ se ɔ, Yesu wo mɛ blɔ,

10 nɛ amlɔ nɔuu e kɛ e kaseli ɔmɛ sɛ lɛ kɛ ba Dalmanuta ní ɔmɛ a mi.

Farisi bi ɔmɛ bi Yesu okadi

(<x>470 16:1-4</x>)

11 ⓔ Farisi bi komɛ ba Yesu ngɔ, nɛ a kɛ lɛ ba bɔni nya sami. A ka lɛ ke e pee nyakpɛ nɔ́ ko kɛ tsɔɔ kaa Mawu lɛ ha lɛ he wami nɛ e kɛ ngɛ ní tsue ɔ.

12 ⓕ Se Yesu fa huu ngɛ e mi, nɛ e de ke, “Mɛni he je kikɛmɛ a yi nɔ nɛ ɔ bi ɔmɛ ngɛ nyakpɛ nɔ́ ko hlae nɛ a na a? I ngɛ nyɛ dee anɔkuale mi ke, a be kikɛmɛ a yi nɔ nɛ ɔ bi ɔmɛ okadi ko hae kɔkɔɔkɔ!”

13 Kɛkɛ nɛ e je a he nɛ e ya sɛ lɛ mi ekohu kɛ ho wo ɔ se ya.

Yesu bɔ e kaseli ɔmɛ kɔkɔ ngɛ Farisi bi kɛ Herode bi a tsɔɔmi he

(<x>470 16:5-12</x>)

14 Kaseli ɔmɛ a hɛ je nɔ nɛ a maa hɛɛ niye ní kɛ to dɛ; a hɛɛ we eko ngɛ lɛ ɔ mi, ja abolo bɔbɔɛ kake pɛ.

15 ⓖ Yesu bɔ mɛ kɔkɔ ke, “Nyɛɛ hyɛ saminya nɛ nyɛ hɛ nɛ hi nyɛ he nɔ ngɛ Farisi bi a masa a, kɛ Herode masa a he!”

16 A hla mi ngɛ a kpɛti ke, “Be nɛ ɔ mi ɔ, abolo nɛ wa hɛɛ we ɔ he je.”

17 Benɛ Yesu nu ɔ, e bi mɛ ke, “Mɛni he je nyɛ ngɛ susue kaa abolo nɛ nyɛ hɛɛ we ɔ he je i de enɛ ɔ? Anɛ nyɛ kɔ we se, nɛ jehanɛ hu, nyɛ nɛ́ níhi a nya kɛ mwɔɔ? Anɛ kikɛ nɛ ɔ nyɛ nui nɔ sisi?

18 ⓗ Nyɛ ngɛ hɛngmɛ, anɛ nyɛ hyɛ we nɔ? Nyɛ ngɛ tue hulɔ, anɛ nyɛ nui nɔ́; nɛ nyɛ kaii we nɔ́ ko nɔ́ ko lo?

19 Benɛ i ku abolo enuɔ ɔ mi ha nimli akpe enuɔ ɔ, bibliwi kusii nyɛmɛ nyɛ kukuɔ?” A he nɔ ke, “Nyɔngma kɛ enyɔ.”

20 “Jehanɛ, be nɛ i ku abolo kpaago ɔ mi ha nimli akpe eywiɛ ɔ hu nɛɛ; bibliwi kusii nyɛmɛ nyɛ kukuɔ?” A he nɔ ke, “Kpaago.”

21 Kɛkɛ nɛ e bi mɛ ke, “Kɛ pee kɛɛ nɛ nyɛ nui nɔ́ sisi kɛ mwɔɔ ɔ?”

Yesu tsa hɛ yuyuilɔ ko ngɛ Betsaida

22 Jehanɛ Yesu kɛ e kaseli ɔmɛ ba Betsaida; nɛ ni komɛ kɛ hɛ yuyuilɔ ko ba e ngɔ, nɛ a kpa lɛ pɛɛ konɛ e ta e he.

23 Kɛkɛ nɛ Yesu nu hɛ yuyuilɔ ɔ kɔni si, nɛ e kɛ lɛ je kɔpe ɔ mi. Yesu su lada pue nyumu ɔ hɛngmɛ ɔmɛ a nɔ, nɛ e ngɔ e ninehi ngɔ pue e nɔ; nɛ e bi lɛ ke, “O ngɛ nɔ hyɛe lo?”

24 Nyumu ɔ wo e yi nɔ nɛ e ke, “I ngɛ nimli hyɛe, se a ngɛ kaa tsohi nɛ ngɛ nyɛɛe.”

25 Yesu kɛ e nine ha hɛ yuyuilɔ ɔ hɛngmɛ ɔmɛ nɔ ekohu. Jehanɛ nyumu ɔ pã e hɛngmɛ mi; a tsa lɛ, nɛ e hyɛ nɔ́ paa.

26 Kɛkɛ nɛ Yesu wo nyumu ɔ blɔ kɛ ho e we mi ya. E de lɛ ke, “Yaa o we mi tɛɛ; kó gba kɔpe ɔ mi he ko he ko!”

Petro ye odase ke Yesu ji Kristo ɔ nɛ

(<x>470 16:13-20</x>; <x>490 9:18-21</x>)

27 Yesu kɛ e kaseli ɔmɛ pue nɔ kɛ ho mahi nɛ ngɛ Kaisarea Filipi kasa nya a a mi ya. E bi mɛ ngɛ blɔ ɔ nɔ ke, “Kɛ nihi deɔ ngɛ ye he kɛɛ? A ke mɛnɔ ji mi?”

28 ⓘ A he nɔ ke, “Ni komɛ deɔ ke, Yohane nɔ sɔlelɔ ɔ. Ni komɛ deɔ ke Eliya, nɛ ni kpa komɛ hu deɔ ke gbali ɔmɛ a ti nɔ kake ji mo.”

29 ⓙ Jehanɛ e bi mɛ ke, “Nyɛɛ lɛɛ kɛ nyɛ deɔ kɛɛ? Mɛnɔ ji mi?” Petro he nɔ nɛ e de lɛ ke, “Mo ji Kristo ɔ nɛ!”

30 Kɛkɛ nɛ Yesu de mɛ veveeve ke, “Nyɛ ko sɛɛ sane nɛ ɔ ha nɔ ko nɔ ko.”

Yesu tu e we amanehlu kɛ e gbenɔ he munyu

(<x>470 16:21-28</x>; <x>490 9:22-27</x>)

31 Jehanɛ Yesu bɔni e kaseli ɔmɛ ní tsɔɔmi ke, “Ja Nɔmlɔ Bi ɔ na amanehlu babauu, nɛ́ ma nimeli ɔmɛ, osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, nɛ ligbi etɛ se ɔ, e maa te si ekohu.”

32 E tu munyu nɛ ɔ paa. Enɛ ɔ ha Petro tsɛ lɛ kɛ ya se, nɛ e bɔni lɛ kɔkɔ bɔmi.

33 Se benɛ Yesu plɛ e he nɛ e na e kaseli ɔmɛ ɔ, e ka Petro hɛ mi ke, “Jee ye nɔ kɛ ya se, mo Satan! Ejakaa o susuu we Mawu níhi a he, se nimli a níhi a he mohu o susuɔ!”

34 ⓚ Jehanɛ Yesu tsɛ ni kpekpemi ɔ, kɛ e kaseli ɔmɛ hu kɛ ba e ngɔ, nɛ e de mɛ ke, “Ke nɔ ko suɔ kaa e nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

35 ⓛ Ejakaa nɔ tsuaa nɔ nɛ suɔ kaa e maa baa e klaa yi ɔ, e maa laa lɛ; se nɔ nɛ laa e klaa ngɛ imi, kɛ sane kpakpa a he ɔ, e ma he e yi wami.

36 Mɛni se nɔmlɔ naa, ke e nine su je ɔ tsuo nɔ, nɛ e hɛ mi kpata a?

37 Nɔ́ ko be nɛ nɔmlɔ ma ha kɛ kpɔ e wami.

38 Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”