Marko 16

Yesu te si kɛ je gbeje

(<x>470 28:1-8</x>; <x>490 24:1-12</x>; <x>500 20:1-10</x>)

1 Benɛ Hejɔɔmi ligbi ɔ be ɔ, Maria Magdalena, kɛ Yakobo nyɛ Maria, kɛ Salome ya he tsopa kɛ e he via, konɛ a kɛ ba kpa Yesu gbogboe ɔ.

2 Hɔgba mɔtu kpla, pu site be ɔ, a pue nɔ kɛ ho yɔkɔ ɔ nya ya.

3 A bi a he ngɛ blɔ ɔ nɔ ke, “Mɛnɔ ma kpɛne tɛ ɔ kɛ je muɔ ɔ nya ha wɔ?” (Tɛ ɔ kle saminya). Se benɛ a yaa wo hɛ nɔ ɔ, a na kaa a kpɛne tɛ ɔ kɛ ho se ya.

4

5 Kɛkɛ nɛ a sɛ yɔkɔ ɔ mi, nɛ a na niheyo ko nɛ hii si ngɛ hiɔ nɔ je kɛ e he tade hiɔ klɔii. Enɛ ɔ ha nɛ a ye gbeye.

6 Se niheyo ɔ de mɛ ke, “Nyɛ ko ye gbeye! Nyɛ ngɛ Yesu, Nazaret no nɛ a sɛu ɔ hlae; pi jã? E te si! E be hiɛ ɔ. He nɛ a kɛ lɛ fɔ ɔ ji nɛ ɔ nɛ.

7 ⓐ Lɔ ɔ he ɔ, nyɛɛ ya nɛ nyɛ de e kaseli ɔmɛ, kɛ Petro hulɔ ke, e ngɛ nyɛ hlami sɛe kɛ yaa Galilea; lejɛ ɔ nyɛ maa na lɛ ngɛ kaa bɔ nɛ e de nyɛ ɔ.”

8 Kɛkɛ nɛ a je kpo oya, nɛ a tu fo kɛ je yɔkɔ ɔ he. Nɛ́ a yaa tsuo sawale nu mɛ, nɛ a he ngɛ doe blibliibli; nɛ a de we nɔ ko nɔ́ ko nɔ́ ko, ejakaa a ngɛ gbeye yee.

SANE KPAKPA A NYAGBE MOMO KO

Yesu je e he kpo tsɔɔ Maria Magdalena

(<x>470 28:9-10</x>; <x>500 20:11-18</x>)

9 [7] [Hɔgba mɔtu mla a nɛ Yesu te si kɛ je gbeje se ɔ, e je e he kpo tsɔɔ Maria Magdalena kekle. Maria nɛ ɔ ji yo nɛ Yesu hia mumi yayami kpaago kɛ je e mi be ko ɔ nɛ.

10 Maria ho nɛ e ya sɛɛ ha Yesu huɛmɛ ɔmɛ. E ya na mɛ nɛ a wo yana nɛ a ngɛ awe nyae.

11 Se mɛɛ lɛɛ benɛ a nu kaa Yesu hɛ ngɛ, nɛ Maria ke e na lɛ ɔ, a he we lɛ yi.

Yesu je e he kpo tsɔɔ kaseli enyɔ

(<x>490 24:13-35</x>)

12 Enɛ ɔmɛ a se ɔ, Yesu je e he kpo ngɛ su kpa mi tsɔɔ kaseli ɔmɛ a ti ni enyɔ, benɛ a ngɛ si slaae kɛ yaa ngmɔ si.

13 A kpale a se kɛ ho nɛ a ya de ni nɛmɛ nɛ piɛ ɔ; se a he we mɛ yi.

Yesu je e he kpo tsɔɔ kaseli nyɔngma kɛ kake ɔmɛ

(<x>470 28:16-20</x>; <x>490 24:36-49</x>; <x>500 20:19-23</x>; <x>510 1:6-8</x>)

14 Pee se ɔ, Yesu je e he kpo tsɔɔ ni nyɔngma kɛ kake ɔmɛ nitsɛmɛ benɛ a hii si nɛ a ngɛ ní yee. E ka a hɛ mi, ejakaa nihi nɛ na lɛ benɛ e te si ɔ, a he we mɛ yi, nɛ a wa tue hulɔ.

15 ⓑ Kɛkɛ nɛ e de mɛ ke, “Nyɛɛ ya je ɔ mi tsuo nɛ nyɛ ya fiɛ sane kpakpa a ngɔ tsɔɔ nimli adesahi tsuo.

16 Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

17 Ni nɛmɛ nɛ ma he ye ɔ, a ma ha mɛ he wami nɛ a kɛ maa pee nyakpɛ ní nɛ ɔmɛ: a maa hia mumi yayamihi ngɛ ye biɛ mi; a maa tu munyu ngɛ gbi kpahi a mi;

18 ke a ta sinɔ he, loo a nu duɔ po, nɔ́ ko nɔ́ ko be mɛ pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.”

A ngɔ Yesu kɛ ho hiɔwe ya

(<x>490 24:50-53</x>; <x>510 1:9-11</x>)

19 ⓒ Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

20 Kaseli ɔmɛ ho nɛ a ya fiɛ ngɛ he tsuaa he, nɛ Nyɔmtsɛ ɔ kɛ mɛ tsu ní. E ha a pee nyakpɛ níhi babauu kɛ pi munyu ɔ se.] [

SANE KPAKPA A NYAGBE ENYƆNE

21 Yi ɔmɛ ya bɔ Petro kɛ e huɛmɛ ɔmɛ amaniɛ kpiti ngɛ níhi tsuo nɛ a de mɛ ɔ he.

22 Enɛ ɔ se ɔ, Yesu nitsɛ gu e kaseli ɔmɛ a nɔ nɛ e ha nɛ sɛ gbi klɔuklɔu nɛ ngɛ daa nɛ haa neneene wami ɔ gbɛ fĩa kɛ je beleku kɛ ya si bonyoku.]