Mateo 1

Yesu Kristo weku kpa

(<x>490 3:23-38</x>)

1 Yesu Kristo, Abraham kɛ David nina a, e weku kpa ji nɛ ɔ nɛ.

2 Abraham fɔ Isak, nɛ Isak fɔ Yakob, nɛ Yakob fɔ Yuda kɛ e nyɛmimɛ ɔmɛ.

3 Yuda kɛ Tamar fɔ Perez, kɛ Zera; nɛ Perez fɔ Hezron, nɛ Hezron fɔ Ram.

4 Ram fɔ Aminadab, nɛ Aminadab fɔ Naashon, nɛ Naashon fɔ Salmon.

5 Salmon kɛ Rahab fɔ Boaz, nɛ Boaz kɛ Rut fɔ Obed, nɛ Obed fɔ Ishai.

6 Ishai fɔ Matsɛ David, nɛ Matsɛ David kɛ Uria yo ɔ fɔ Salomo.

7 Salomo fɔ Rehoboam, nɛ Rehoboam fɔ Abiya, nɛ Abiya fɔ Asa.

8 Asa fɔ Yehoshafat, nɛ Yehoshafat fɔ Yehoram, nɛ Yehoram fɔ Uzia.

9 Uzia fɔ Yotam, nɛ Yotam fɔ Ahaz, nɛ Ahaz fɔ Hezekia.

10 Hezekia fɔ Manase, nɛ Manase fɔ Amon, nɛ Amon fɔ Yosia.

11 ⓐ Yosia fɔ Yehoyakin, kɛ e nyɛmimɛ ɔmɛ, be mi nɛ a ba ngɔ mɛ nyɔguɛ kɛ ho Babilon ya a.

12 Benɛ a ngɔ mɛ nyɔguɛ kɛ ya Babilon se ɔ, Yehoyakin fɔ Shealtiel, nɛ Shealtiel fɔ Zerubabel.

13 Zerubabel fɔ Abiud, nɛ Abiud fɔ Eliakim, nɛ Eliakim fɔ Azor.

14 Azor fɔ Zadok, nɛ Zadok fɔ Akim, nɛ Akim fɔ Eliud.

15 Eliud fɔ Eleazar, nɛ Eleazar fɔ Matan, nɛ Matan fɔ Yakob.

16 Yakob fɔ Yosef nɛ ji Yesu nɛ a tsɛɛ nyɛ Maria huno ɔ. Kristo ɔ.

17 Lɔ ɔ he ɔ, kɛ je Abraham nɔ kɛ ba su David nɔ ɔ peeɔ yi nɔ nyɔngma kɛ eywiɛ. Kɛ je David nɔ kɛ ba su be nɛ a ngɔ ma a nyɔguɛ kɛ ya Babilon ɔ peeɔ yi nɔ nyɔngma kɛ eywiɛ. Kɛ je jamɛ a be ɔ kɛ ba su be nɛ a fɔ Kristo ɔ, lɔ ɔ hu peeɔ yi nɔ nyɔngma kɛ eywiɛ.

A fɔ Yesu Kristo

(<x>490 2:1-7</x>)

18 ⓑ Jehanɛ ɔ, bɔ nɛ Yesu Kristo fɔmi ɔ ba ha ji nɛ ɔ nɛ. Yosef ya bi Yesu nyɛ Maria si, se e na we nɛ e kɛ lɛ ba hi si lolo nɛ a na kaa Maria hɛɛ hɔ kɛ je Mumi Klɔuklɔu ɔ mi.

19 E huno Yosef ɔ, nɔmlɔ nɛ peeɔ nɔ́ nɛ da ji lɛ, nɛ e hla we kaa e ma pue Maria hɛ mi si. Lɔ ɔ he ɔ, e to kaa e maa ngmɛɛ e he kpoo.

20 Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

21 ⓒ E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

22 A pee ní nɛ ɔmɛ tsuo, konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi. Nyɔmtsɛ ɔ ke,

23 ⓓ “Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

24 Lɔ ɔ he ɔ, benɛ Yosef hɛ tsɛ̃ kɛ je mahe ɔ mi ɔ, e pee bɔ nɛ Nyɔmtsɛ ɔ bɔfo ɔ de lɛ ɔ, nɛ e ngɔ e yo ɔ.

25 ⓔ Se e kɛ lɛ na we nyumu kɛ yo bɔmi hluu kɛ ya su be nɛ Maria fɔ binyumu. Nɛ Yosef wo lɛ biɛ ke Yesu.