Habakuk - Introduction

NYA TSƆƆMI

Jeha lafa kpaago loko a fɔ wa Nyɔmtsɛ Yesu ɔ, kɛ yaa jamɛ a be ɔ nyagbe mi ɔ, gbalɔ ko nɛ a tsɛɛ lɛ Habakuk hi si. Babilonia bi ji ni nɛmɛ nɛ ngɛ nɔ yee jamɛ a be ɔ. Gbalɔ ɔ hao wawɛɛ kaa dikali nɛ ɔmɛ ngɛ yi wu tso níhi pee. Lɔ ɔ he ɔ, e bi Nyɔmtsɛ ɔ ke, “Mawu lee, mɛni he je kulaa nɛ o pee kɔ̃, be mi nɛ nihi nɛ peeɔ yayami ngɛ ni nɛmɛ nɛ da pe mɛ a hɛ mi kpatae ɔ?” (1.13) Heto nɛ Nyɔmtsɛ ɔ ha lɛ ji e ma tsu e ní be mi nɛ lɛ nitsɛ e suɔ. “Se kɛ̃ nihi nɛ peeɔ nɔ nɛ da a, a yi ma na wami; ejakaa a yeɔ Mawu anɔkuale.” (2.4)

Womi ɔ mi sanehi nɛ piɛ he ji gbami nɛ tsɔɔ kaa a ma kpata nihi nɛ peeɔ yayami ɔ a hɛ mi. Nɔ́ nɛ a kɛ gbe nya ji Mawu yi jemi la nɛ deɔ ke, “Mawu kle”. Enɛ ɔ tsɔɔ kaa asilɛte ɔ ngɛ hemi kɛ yemi nɛ pi si saminya.

Bɔ nɛ a dla womi ɔ mi ha

• Habakuk bi sanehi, nɛ Nyɔmtsɛ ɔ ha lɛ heto 1.1—2.4
• A ma kpata yayami peeli a hɛ mi 2.5-20
• Habakuk fa kue 3.1-19