Mose IV, 33

Kɛ je Egipt kɛ ya Moab

1 Sane nɛ ɔ gbaa wɔ he slɔɔtohi nɛ Israel bi ɔmɛ to si ngɛ benɛ Mose kɛ Aaron ngɔ mɛ wɛtso nya wɛtso nya kɛ je Egipt ɔ.

2 Mose ngma hehi nɛ a hia kɛ je ɔ, kɛ hehi nɛ a to si ngɛ ɔ tsuo a biɛ kaa bɔ nɛ Yawɛ fa lɛ ɔ.

3 Israel bi ɔmɛ je Egipt ngɛ kekleekle nyɔhiɔ ɔ we ligbi nyɔngma kɛ enuɔne nɛ ji kekleekle Hetsɔmi ligbi ɔ we jena nɔ. A kɛ manye hia kɛ je ma nɛ a tsɛɛ Rameses ɔ, ngɛ Egipt bi ɔmɛ tsuo a hɛ mi paa.

4 Jamɛ a be ɔ mi ɔ, Egipt bi ɔmɛ ngɛ a bitɛte ɔmɛ tsuo nɛ Yawɛ gbe kɛ pueɔ si ɔ pue. Yawɛ pee nɔ́ nɛ ɔ kɛ tsɔɔ kaa e he wa kulaa pe Egipt mawu ɔmɛ.

5 Israel bi ɔmɛ hia kɛ je Rameses, nɛ a ya to si ngɛ Sukot.

6 A hia kɛ je Sukot, nɛ a ya to si ngɛ Etam, ngɛ nga a nya.

7 Benɛ a hia kɛ je Etam ɔ, a dɔ a yi kɛ ho Pi Hahirot ya, ngɛ Baal Zefon beleku je, nɛ a ya to si ngɛ Migdol kasa nya.

8 Jehanɛ, a hia kɛ je Pi Hahirot kɛ ya po Wo Tsu ɔ, kɛ ho Shur nga a nɔ ya. A nyɛɛ Etam nga a nɔ ligbi etɛ blɔ nyɛɛmi, nɛ a ya to si ngɛ Mara.

9 Nɛ́ a hia kɛ je Mara a, a ya to si ngɛ Elim. Elim nɛ ɔ, vu nyɔngma kɛ enyɔ, kɛ tã nyingmi kpaago ngɛ lejɛ ɔ.

10 A hia kɛ je Elim, nɛ a ya to si ngɛ Wo Tsu ɔ nya.

11 A hia kɛ je Wo Tsu ɔ nya, nɛ a ya to si ngɛ Sin nga a nɔ.

12 Nɛ́ a je Sin nga a nɔ ɔ, a ya to si ngɛ Dofka.

13 A hia kɛ je Dofka, nɛ a ya to si ngɛ Alus.

14 Nɛ́ a hia kɛ je Alus ɔ, a ya to si ngɛ Refidim, he nɛ ma a nɛ́ nyu nɛ a nu ngɛ ɔ.

15 A hia kɛ je Refidim, nɛ a ya to si ngɛ Sinai nga a nɔ.

16 A hia kɛ je Sinai nga a nɔ, nɛ a ya to si ngɛ Kibrot Hataawa.

17 A hia kɛ je Kibrot Hataawa, nɛ a ya to si ngɛ Hazerot.

18 A hia kɛ je Hazerot, nɛ a ya to si ngɛ Ritma.

19 A hia kɛ je Ritma, nɛ a ya to si ngɛ Rimon Perez.

20 A hia kɛ je Rimon Perez, nɛ a ya to si ngɛ Libna.

21 A hia kɛ je Libna, nɛ a ya to si ngɛ Risa.

22 A hia kɛ je Risa, nɛ a ya to si ngɛ Kehelata.

23 A hia kɛ je Kehelata, nɛ a ya to si ngɛ Shefer yo ɔ nɔ.

24 A hia kɛ je Shefer yo ɔ nɔ, nɛ a ya to si ngɛ Harada.

25 A hia kɛ je Harada, nɛ a ya to si ngɛ Makelot.

26 A hia kɛ je Makelot, nɛ a ya to si ngɛ Tahat.

27 A hia kɛ je Tahat, nɛ a ya to si ngɛ Tera.

28 A hia kɛ je Tera, nɛ a ya to si ngɛ Mitka.

29 A hia kɛ je Mitka, nɛ a ya to si ngɛ Hashmona.

30 A hia kɛ je Hashmona, nɛ a ya to si ngɛ Moserot.

31 A hia kɛ je Moserot, nɛ a ya to si ngɛ Bene Yaakan.

32 A hia kɛ je Bene Yaakan, nɛ a ya to si ngɛ Hor Hagidgad.

33 A hia kɛ je Hor Hagidgad, nɛ a ya to si ngɛ Yotbata.

34 A hia kɛ je Yotbata, nɛ a ya to si ngɛ Abrona.

35 A hia kɛ je Abrona, nɛ a ya to si ngɛ Ezeon Geber.

36 A hia kɛ je Ezeon Geber, nɛ a ya to si ngɛ Zin nga a nɔ (nɛ ji Kadesh).

37 A hia kɛ je Kadesh, nɛ a ya to si ngɛ Hor yo ɔ he, ngɛ Edom zugba a huzu ɔ nya.

38 ⓘ Osɔfo Aaron kuɔ Hor yo ɔ kaa bɔ nɛ Yawɛ fa lɛ ɔ, nɛ e ya gbo ngɛ lejɛ ɔ. Benɛ Israel bi ɔmɛ je Egipt se ɔ, jeha nyingmi eywiɛne ɔ we nyɔhiɔ nɛ ji enuɔ ɔ we kekleekle ligbi ɔ nɛ Aaron gbo ngɛ Hor yo ɔ nɔ.

39

40 ⓙ Arad matsɛ ɔ nɛ ngɛ Kanaan zugba a leneyi je ɔ nu kaa Israel bi ɔmɛ ma.

41 Jehanɛ, Israel bi ɔmɛ hia kɛ je Hor yo ɔ he, nɛ a ya to si ngɛ Zalmona.

42 A hia kɛ je Zalmona, nɛ a ya to si ngɛ Punon.

43 A hia kɛ je Punon, nɛ a ya to si ngɛ Obot.

44 A hia kɛ je Obot, nɛ a ya to si ngɛ Abarim ma doku ɔ mi, ngɛ Moab zugba a nɔ.

45 A hia kɛ je ma doku nɛ ɔ mi, nɛ a ya to si ngɛ Dibon Gad.

46 A hia kɛ je Dibon Gad, nɛ a ya to si ngɛ Almon Diblataim.

47 A hia kɛ je Almon Diblataim, nɛ a ya to si ngɛ Abarim yo ɔmɛ a nɔ, ngɛ Nebo yo ɔ kasa nya.

48 A hia kɛ je Abarim yo ɔmɛ a nɔ, nɛ a ya to si ngɛ Moab nga kplanaa a nɔ, ngɛ Yordan pa se, ngɛ Yeriko hanɔ.

49 A to si ngɛ Moab nga a nɔ, ngɛ Yordan pa a tue, kɛ je Bet Yesimot kɛ ya si Abel Shitim.

Mlaahi nɛ a wo Israel loko a po Yordan pa a

50 Jehanɛ, Yawɛ kɛ Mose tu munyu ngɛ Moab nga kplanaa a nɔ, ngɛ Yordan pa a se, ngɛ Yeriko hanɔ, nɛ e de lɛ ke,

51 “De Israel bi ɔmɛ ke, ke nyɛ po Yordan pa a kɛ ho Kanaan zugba a nɔ ya a,

52 nyɛɛ fie zugba a nɔ bi ɔmɛ tsuo kɛ je lejɛ ɔ. Nyɛɛ ywia a we amaga amɛ tsuo nɛ a ngɔ tɛ, loo nɔ́ ko nɛ a sile kɛ pee ɔ; a jami he ɔmɛ hu nyɛɛ gbɛ mɛ.

53 Nyɛɛ ngɔ zugba a, nɛ nyɛɛ hi nɔ; ejakaa i ngɔ kɛ ha nyɛ nɛ e pee nyɛ nɔ.

54 ⓚ Nyɛɛ fɔ sɔ kɛ dla zugba a wɛtso nya wɛtso nya, kɛ weku nya weku nya. Wɛtso nɛ a he hiɛ ɔ, a ha mɛ zugba agbo; wɛtso nɛ a he pi ɔ, a ha mɛ bɔɔ pɛ.

55 Se ke nyɛ fie we zugba a nɔ bi ɔmɛ kɛ ji zugba a nɔ ɔ, lɛɛ ni nɛmɛ nɛ maa tlɔ si ɔ maa pee kaa zezle mio nɛ gbɔ nyɛ hɛngmɛ mi, loo ha tso mio nɛ gbɔ nyɛ kasa nya; a maa hao nyɛ ngɛ zugba a nɔ he nɛ nyɛ ngɛ ɔ.

56 Ke e ba mi ja a, lɛɛ bɔ nɛ i to ke ma pee mɛ ɔ, ma pee nyɛ hu ja nɔuu.”