Hosea - Introduction

NYA TSƆƆMI

Hosea ji gbalɔ nɛ ba fiɛ Mawu munyu ngɛ Israel zugba a we omleyi je ngɛ gbalɔ Amos se. Jamɛ a be ɔ, haomi babauu ngɛ Israel nɔ; lɔ ɔ se loko a ywia Samaria ma a jeha 721 loko a fɔ Kristo.

Bɔ nɛ Hosea yo Gomer yi lɛ, Hosea anɔkuale ɔ, jã kɛ̃ Israel ma a hu yi Mawu anɔkuale. Enɛ ɔ he ɔ, Mawu maa gbla a tue. Se nyagbe ɔ, Mawu maa tsɔɔ kaa e suɔ e ma a saminya. E ma kpɔ e ma a, nɛ e ma dla e kɛ mɛ a kpɛti. Mawu suɔmi kpetekpleenyɛ nɛ ɔ jeɔ kpo ngɛ gbalɔ ɔ munyu nɛ ɔ mi: “Israel, mɛni maa ba loko ma ngmɛɛ o he? Mɛni he je ma kua mo? Ye tsui be mi blɔ ngmɛe kaa ma pee ja! Suɔmi nɛ i ngɛ kɛ ha mo ɔ nya wa saminya.” (11.8)

Bɔ nɛ a dla womi ɔ mi ha

• Hosea kɛ e yo a gba si himi, kɛ a bimɛ a he sane 1.1—3.5
• Sɛ gbihi kɛ ha Israel 4.1—13.16
• Sɛ gbi nɛ tsɔɔ tsui tsakemi kɛ si womi 14.1-9