Introduction
Ezekiel
NYA TSƆƆMI Israel bi ɔmɛ a he nyɛli ba tua Yerusalem jeha 586 loko a fɔ Kristo nɛ a nuu Israel bi ɔmɛ kɛ ho ma se tsitsaa Babilonia ya. Gbalɔ ko nɛ a tsɛɛ lɛ Ezekiel piɛ a he. E fiɛ kɛ ha ni nɛmɛ nɛ a nuu kɛ ho ma se ya a, kɛ ni nɛmɛ nɛ ngɛ Yerusalem jamɛ a be ɔ tsuo. Womi nɛ ɔ hɛɛ mi dlami ekpa: (1) Mawu tsɛ Ezekiel kaa e ba pee gbalɔ. (2) Gbalɔ ɔ bɔ ma a kɔkɔ ke Mawu maa gbla a tue; Yerusalem he wami nya maa hɛ si, nɛ a ma kpata ma a hɛ mi. (3) Sɛ gbihi nɛ je Nyɔmtsɛ ɔ ngɔ kaa je ma amɛ tsuo nɛ wa e ma a yi mi, nɛ a ha e ma a tla blɔ ɔ, e maa gbla a tue. (4) Mawu wo e ma a si kaa e ma ba hi ha mɛ hwɔɔ se. (5) A gba kɛ si Gog. (6) Gbalɔ Ezekiel kale bɔ nɛ Yawɛ we ɔ, kɛ ma a ma ba bɔ hwɔɔ se. Gbalɔ Ezekiel ngɛ hemi kɛ yemi nɛ nya wa; nɛ e ngɛ juɛmi nɛ nyɛɔ peeɔ foni ngɛ e yi mi saminya hulɔ. Bɔ nɛ pee nɛ́ a nu ninahi babauu nɛ e na a a sisi ɔ, e gu foni kalemi nɔ kɛ de e sɛ gbi ɔmɛ. Ezekiel ma nɔ mi ke e hia kaa nɔ tsuaa nɔ tsui mi nɛ tsɔ, nɛ e ná mumi he. E de hu ke nɔ tsuaa nɔ maa bu lɛ nitsɛ e yayamihi nɛ e pee ɔ a he akɔtaa. E fiɛ ke hɛ kɛ nɔ fɔmi ngɛ kaa ma a maa bɔ ekohu. Akɛnɛ osɔfo kɛ gbalɔ ji lɛ he je ɔ, níhi nɛ ngɛ e tsui nɔ wawɛɛ nitsɛ ji Yawɛ we ɔ, kɛ bɔ nɛ sa kaa a pee klɔuklɔu. Bɔ nɛ a dla womi ɔ mi ha • Mawu tsɛ Ezekiel 1.1—3.27
• Sɛ gbihi nɛ tsɔɔ tue gblami nɛ maa ba Yerusalem nɔ 4.1—24.27
• Mawu maa gbla je ma amɛ a tue 25.1—32.32
• Mawu wo e ma a si 33.1—37.28
• A gba kɛ si Gog 38.1—39.29
• Yawɛ we he ɔ, kɛ zugba he ɔ a he nina 40.1—48.35
• Sɛ gbihi nɛ tsɔɔ tue gblami nɛ maa ba Yerusalem nɔ 4.1—24.27
• Mawu maa gbla je ma amɛ a tue 25.1—32.32
• Mawu wo e ma a si 33.1—37.28
• A gba kɛ si Gog 38.1—39.29
• Yawɛ we he ɔ, kɛ zugba he ɔ a he nina 40.1—48.35