1
2 ke Israel fɔfɔɛ ko kɛ nɔ́ ko ba da e se, nɛ e nyɛmi ɔ kpale we nɔ́ ɔ kɛ ba ha we lɛ, loo e ju lɛ, loo e sisi lɛ ɔ, e pee yayami kɛ si Yawɛ.
3 Jã kɛ̃, ke nɔ́ ko laa, nɛ nɔ ko na, se e to lakpa, nɛ e ka kita ke e nɛ ɔ, lɛ hu e pee yayami kɛ si Yawɛ.
4 Ke nɔ ko pee yayami nɛ ɔmɛ eko ɔ, bɔ tsuaa bɔ nɛ ji ɔ, e to nane mi sisiisi ha nɔ nɛ e tɔ̃ e nɔ ɔ. Ligbi nɛ a maa bu lɛ fɔ ɔ, e wo nɔ ɔ hiɔ ɔ sisiisi, nɛ e ngɔ nɔ́ ɔ jua a mi dlami enuɔ mi kake kɛ bɔ he ha nɔ ɔ.
5
6 Jehanɛ hu, é ngɔ agbosu nɛ kpa ko be e he, loo nɔ́ ko nɛ he jua kɛ lɛ sɔ kɛ ba ha osɔfo ɔ, nɛ e kɛ sã bɔ ha Yawɛ kaa yayami nɛ e pee ɔ nane mi tomi nɔ́.
7 Osɔfo ɔ maa sã bɔ ɔ kɛ kpata Yawɛ ha lɛ, nɛ a kɛ e he yayami tsuo nɛ e pee ɔ maa pa lɛ.
Bɔhi nɛ a sãã lohwe ɔ tsuo kulaa
8
9 e de Aaron kɛ e bimɛ ɔmɛ ke, mlaahi nɛ kɔɔ sami bɔ he ji nɛ ɔmɛ nɛ. Sami bɔ ɔ nɛ hi bɔ sami la tɛ ɔ nɔ kɛ ya si mɔtu; la a nɛ ko gbo ngɛ sisi.
10 Osɔfo ɔ nɛ wo e yi nɔ tade ɔ, kɛ e sisi tade ɔ nɛ a kɛ kploba kpɛ ɔ, konɛ e je la zu ɔ kɛ ma bɔ sami la tɛ ɔ kasa nya.
11 Lɔ ɔ se ɔ, e je e tade ɔmɛ, nɛ e wo tade kpahi, konɛ e ngɔ la zu ɔ kɛ je ma sito he ɔ kɛ ya pue he ko nɛ tsɔ.
12 Á ha nɛ la a nɛ hi tsoe ngɛ bɔ sami la tɛ ɔ nɔ, nɛ e ko gbo. Daa mɔtu ɔ, osɔfo ɔ nɛ to lɛ́ kɛ wo bɔ sami la tɛ ɔ mi. É to sami bɔ ɔ ngɔ pue lɛ́ ɔ nɔ, nɛ e sa zɔ ɔ nɛ a kɛ ma tue mi jɔmi bɔ sami ɔ.
13 La nɛ hi bɔ sami la tɛ ɔ nɔ daa; e ko gbo gblegbleegble.
Niye ní bɔ sami
14
15 É piti mamu bukɔbukɔ, kɛ nu ɔ, kɛ tsopa kɛ e he via nɛ ngɛ niye ní bɔ ɔ nɔ ɔ tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ, konɛ e je via liliili, nɛ e pee kaimi nɔ ha Yawɛ.
16 Mamu nɛ piɛ ɔ peeɔ Aaron kɛ e bimɛ ɔmɛ a nɔ́. A kɛ sã abolo kplolo nɛ a ye ngɛ he ko nɛ ngɛ klɔuklɔu, ngɛ kue ɔ nɛ ngɛ kpe he bo tsu ɔ mi ɔ mi. Bɔ ɔmɛ nɛ a kɛ la sãã kɛ haa Yawɛ ɔ, Yawɛ ngɔ fa nɛ ɔ kɛ ha osɔfo ɔmɛ kaa a blɔ fa mi nɔ́. E ngɛ klɔuklɔu saminya kaa bɔ nɛ yayami pami, kɛ fɔ yemi bɔ ɔmɛ ngɛ ɔ.
17
18 Aaron binyumu ɔmɛ pɛ nɛ a ngɛ he blɔ nɛ a yeɔ nɔ́ nɛ ɔ eko kaa niye ní bɔ nɛ a kɛ ba ha Yawɛ ɔ, mɛɛ a blɔ fa mi nɔ́.
19
20 bɔ nɛ a maa wo Aaron binyumu ko osɔfo ji nɛ ɔmɛ nɛ. Ligbi ɔ nɛ a maa wo lɛ osɔfo ɔ, e ngɔ mamu bukɔbukɔ kilo kake kaa daa ligbi niye ní bɔ kɛ ba. É ngɔ fa kɛ sã bɔ mɔtu, nɛ é ngɔ fa hu kɛ sã bɔ gbɔkuɛ.
21 E kɛ nu nɛ si ngɛ ngɛyu mi, nɛ nu nɛ sɛ mi saminya, nɛ e ku mi tsɔwitsɔwi, konɛ e kɛ ba sã bɔ kaa niye ní bɔ nɛ jee via ha Yawɛ.
22 Kɛ je be nɛ ɔ mi kɛ yaa a, Aaron nina tsuo nɛ ma ba sɔmɔ kaa osɔfo nɔkɔtɔma a, e sã bɔ nɛ ɔ. E sã lɛ tsuo kɛ ha Yawɛ.
23 Niye ní bɔ tsuaa niye ní bɔ nɛ osɔfo ɔ maa sã a, a ko ye ekoeko; a sã lɛ tsuo.
Yayami pami bɔhi
24
25 e wo Aaron kɛ e bimɛ ɔmɛ mlaa nɛ ɔmɛ nɛ kɔɔ yayami pami bɔ he. Lohwe nɛ a kɛ maa sã yayami pami bɔ ɔ, á gbe lɛ ngɛ Yawɛ hɛ mi ngɛ he nɛ a gbeɔ lohwehi nɛ a kɛ sãã sami bɔ ngɛ ɔ. Bɔ klɔuklɔu pe kulaa ji nɛ ɔ nɛ.
26 Jehanɛ, osɔfo ɔ nɛ maa sã lohwe ɔ, e ye ngɛ he ko nɛ ngɛ klɔuklɔu ngɛ kue ɔ nɛ ngɛ kpe he bo tsu ɔ mi ɔ mi.
27 Nɔ́ tsuaa nɔ́ nɛ he maa sa lo nɛ ɔ he ɔ ma plɛ pee nɔ́ klɔuklɔu; ke e muɔ nɛ a fĩa a eko sɛ tade mi ɔ, a fɔ tade ɔ he ngɛ he ko nɛ ngɛ klɔuklɔu.
28 Á ywia buɛ tsuaa buɛ nɛ a hoo lo nɛ ɔ ngɛ mi ɔ; se ke akɔblee nɔ́ mi nɛ a hoo ngɛ ɔ, lɛɛ a sa mi saminya, nɛ a kɛ nyu nɛ jale mi.
29 Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye bɔ nɛ ɔ eko; e ji bɔ klɔuklɔu pe kulaa.
30 Se lohwe nɛ a kɛ maa sã yayami pami bɔ, nɛ a kɛ e muɔ maa ba kpe he bo tsu ɔ mi kɛ ba pee kpatami ngɛ he klɔuklɔu ɔ, a ko ye e lo ɔ; a sã.