Fiɛlɔ 4

1 Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

2 I susu kaa nihi nɛ gbo ɔ, a nɔ́ hi pe ni nɛmɛ nɛ a hɛ ngɛ ɔ.

3 Se ni enyɔ nɛ ɔmɛ po a se ɔ, nihi nɛ a nɔ́ hi pe kulaa ji ni nɛmɛ nɛ a fɔ we mɛ lolo, nɛ mɛɛ a nɛ yi wu tso níhi nɛ a ngɛ pee ngɛ je ɔ mi ɔ.

4 Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

5 Kuasia buaa e ninehi a nya kɛ woɔ e gblɛɛ mi, nɛ e gboɔ kɛ hwɔ.

6 Se afani nɔ́ ko bɔbɔyoo nɛ tue mi jɔmi ngɛ he pe nɛ o kɛ o nine enyɔ ma gbo yaka dengme kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

7 I na nɔ́ kpa ko hu ngɛ je ɔ mi nɛ ji yaka dengme gbomi.

8 Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

9 Ke ni enyɔ bua kɛ tsu ní ɔ, e hi pe nɔ kake nɛ ma tsu ní; ejakaa a náá a dengme gbomi ɔ he se.

10 Ke nɔ kake nɔ si ɔ, nɔ kake ma wo e nɔ. Se ke nɔ kake ngmelu lɛ ngɛ, nɛ e nɔ si ɔ, kɛkɛ lɛɛ nɔ́ pee lɛ; ejakaa nɔ ko be nɛ ma wo e nɔ.

11 Jehanɛ, fĩɛ be, ke ni enyɔ hwɔ si ɔ, a he mi dɔɔ la. Se nɔ kake ngmelu ɔ, kɛ lɛɛ e maa pee kɛɛ nɛ e he mi maa dɔ la?

12 Ke nɔ ko ba tua ni enyɔ nɛ ɔmɛ ɔ, a ma bla kɛ wo e he, nɛ a maa gbe lɛ. Se ke nɔ kake a ba tua ja a, e be nyɛe ma fa e he. Kpa nɛ a tslɔ hɛ si etɛ ɔ, e tsɔ we mla.

13 Niheyo ohiatsɛ nɛ le ní ɔ, e hi hluu pe nɔkɔtɔma kuasia nɛ ngɛ tsɛ yee, nɛ́ jehanɛ hu e bui ga womi tue.

14

15 I ba bɔni nihi tsuo nɛ ngɛ je ɔ mi ɔ a he susumi, nɛ i ba na niheyo ko ngɛ ni ɔmɛ tsuo a kpɛti nɛ ma ba ye matsɛ ɔ se.

16 Nihi nɛ matsɛ ɔ yeɔ a nɔ ɔ, a he hiɛ babauu; a hí kanemi. Se kɛ̃ ɔ, nihi nɛ maa ba ngɛ e se ɔ, a be e yi jee. Niinɛ, enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.