Mawu ji matsɛ 1 Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he. 2 Yawɛ, o matsɛ sɛ ɔ ngɛ kɛ je blema lokoo; mo nitsɛ hu o ngɛ kɛ je neneene. 3 Yawɛ, wo ɔ ngɛ gbi woe; ee, wo ɔ ngɛ pɛe; oslɔke ɔmɛ ngɛ kue kɛ ngmlaa. 4 Se Yawɛ nɛ ngɛ hiɔwe ɔ he wa kulaa pe wo ɔ nɛ ngɛ pɛe ɔ; Yawɛ he wa kulaa pe wo nɔ oslɔke ɔmɛ. 5 Yawɛ, o mlaa amɛ ngɛ kɛ yaa neneene; klɔuklɔu peemi sa o we ɔ daa.