Dami sane yemi he kue fami
1 Yawɛ, ye Mawu! I ba sa we ngɛ o ngɔ. Mo kpɔ mi kɛ je nihi tsuo nɛ ngɛ mi yi mi wae ɔ a dɛ mi, nɛ o he ye yi wami.
2 Ke pi ja a, a maa gbla mi kɛ ya he nɛ nɔ ko be nɛ maa je ngmlaa ha mi. Lejɛ ɔ lɛ a ma ya tsɔtslɔɔ mi ngɛ kaa bɔ nɛ jata peeɔ ɔ.
3 Yawɛ, ye Mawu! Ke i pee nɔ ko yayami, aloo i wa ye he nyɛlɔ yi mi yaka gu, ke i pee nɔ́ ko kaa kikɛ nɛ ɔ,
4
5 ha nɛ ye he nyɛli ɔmɛ nɛ a nyɛɛ ye se nɛ a nu mi. Ha nɛ a fia mi nɔ nɛ a gbe mi, nɛ a si mi ngɛ zugba.
6 Yawɛ, ye he nyɛli ɔmɛ te si kɛ wo mi; tee si nɛ o kɛ mɛ nɛ kpe ha mi. O mi mi nɛ fu mɛ; ejakaa dami sane yemi ji nɔ́ nɛ o suɔ.
7 Lɔ ɔ he ɔ, ha nɛ a bua je ma amɛ tsuo a nya kɛ bɔle mo, nɛ o je hiɔwe kɛ ye a nɔ.
8 Yawɛ, mo ji je ɔ tsuo kojolɔ. Moo ye ye sane ha mi; o le kaa i pee we nɔ́ ko nɛ dɛ.
9 ⓙ Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.
10 Mawu ji ye he bulɔ. Nihi nɛ peeɔ nɔ́ nɛ da a, e heɔ a yi wami.
11 Mawu ji kojolɔ nɛ yeɔ dami sane; daa nɛ ɔ, e mi mi fu yayami peeli.
12 Ke a tsakee we a tsui ɔ, Mawu maa duɔ e klaate ɔ nya. E pee e kɛ̃ɛ̃ ɔ klaalo momo,
13 nɛ e kɛ kɛ̃ɛ̃ mi bi nɛ nya ba hɔ nya. E dla awi yemi ní kpahi hu ngɔ to.
14 Ke yiwutsotsɛ ngɛ nɔ́ yayami susue ɔ, e hii nɔ́ ɔ plɛe ngɛ e yi mi kpamisa kaa bɔ nɛ bimwɔyo hii plɛe ngɛ yohɔyo mi mi ɔ. Nyagbe ɔ, nɔ́ nɛ jeɔ kpo ji lakpa.
15 E tsuaa muɔ kɛ haa ni kpahi; se muɔ ɔ nɛ e tsua a, lɛ nitsɛ nɛ e maa nɔ mi.
16 E musu maa tloo lɛ nitsɛ; lɛ nitsɛ e yayami ɔ maa ye lɛ awi.
17 Ma na Yawɛ si; ejakaa e yeɔ dami sane. Ma la kɛ je Yawɛ Hiɔwe No ɔ yi.