Mawu kojomi kɛ e dloomi
1 ⓥ Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.
2 Nihi a hɛ mi kpatami he sɔuu o ngɛ soe be tsuaa be. O lilɛ ngɛ kaa asoyi nɛ nya ba, mo lakpatsɛ, nɔ sisilɔ.
3 O suɔ yayami pe kpakpa, nɛ o suɔ lakpa munyu hu pe anɔkuale.
4 Munyuhi nɛ kpataa nɔ hɛ mi sɔuu he o susuɔ; lakpatsɛ nitsɛnitsɛ ji mo.
5 Mawu hu maa ngɔ mo ngɔ fia si ja nɔuu kɛ maa ya neneene. E ma sá mo kɛ je o we ɔ mi; e ma je mo kɛ je hɛ kali a zugba a nɔ.
6 Nihi nɛ yeɔ dami sane maa na o nyagbe ɔ, nɛ a maa ye gbeye. A maa muɔ mo, nɛ a ma de ke,
7 “Hyɛ, nyumu nɛ ɔ ngɔɛ e hɛ kɛ fɔɛ Mawu nɔ kaa e he bulɔ, mohu ɔ, ní babauu nɛ e na a nɔ e ngɔ e hɛ kɛ fɔ, nɛ yi wu tso níhi nɛ e pee ɔ nɛ wo lɛ he wami.”
8 Se imi lɛɛ i ngɛ kaa oliv tso ngɛ Mawu we ɔ. I ngɔ ye hɛ kɛ fɔ Mawu mɔbɔ nami nɔ; e mɔbɔ nami ɔ be nyagbe.
9 Mawu, ma na mo si daa, ma na mo si kɛ maa ya neneene ngɛ nɔ́ nɛ o pee ɔ he. Ma na mo si ngɛ o ma a hɛ mi. Ma wo o biɛ ta, nɛ ma je o yi.