Kue fami kɛ ha yi baami
1 Mawu lee, wa nɛmɛ ɔmɛ sɛɛ ha wɔ; nɛ wɔ nitsɛmɛ hu wa nu kɛ wa tue. A gba wɔ ke blema a, o tsu ní nguanguahi ha mɛ.
2 Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.
3 Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.
4 Mo ji ye matsɛ kɛ ye Mawu; mo lɛ o haa nɛ o ma a yeɔ kunimi.
5 Mo lɛ o haa nɛ wa yeɔ wa he nyɛli ɔmɛ a nɔ. Nihi nɛ teɔ si kɛ woɔ wɔ ɔ, o biɛ waa kɛ jɔɔ a he.
6 Ejakaa i ngɔɛ ye hɛ kɛ fɔɛ ye kɛ̃ɛ̃ nɔ; klaate be ye yi wami nyɛe ma he.
7 Se mohu, mo ji nɔ nɛ he wa yi wami. O he wa yi wami kɛ je wa he nyɛli a dɛ mi, nɛ o ha nɛ zo gbe ni nɛmɛ nɛ sume wɔ ɔ.
8 Mawu, mo o nɔ wa fĩaa kɛ fɔɔ daa. Wa maa na mo si kɛ maa ya neneene.
9 Se jehanɛ lɛɛ o kua wɔ; o ha wa he guɛ gbo, nɛ o piɛ we wa he kɛ yɛ ta hu.
10 O ha wa tu fo ngɛ ta nya, nɛ wa he nyɛli ɔmɛ ha wa níhi.
11 O ngɔ wɔ ngɔ ha kaa tohi nɛ a yaa gbe. O gbɛ wɔ ngɔ fĩa je ma amɛ a mi.
12 O jua o ma a, nɛ o he nɔ́ ko nyafii kɛkɛ, kaa nɔ́ nɛ o ma a he be se nami ko kulaa.
13 O ha nihi nɛ bɔle wɔ kɛ kpe ɔ na wa we ahlua a; a ye wa he fɛu, nɛ a muɔ wɔ.
14 O ha wa plɛ pee abɛ bumi nɔ́ ha je ma amɛ; Wa pee muɔ nɔ́ ha mɛ.
15 Daa nɛ, ke ye he nyɛli na mi kikɛ nɛ ɔ, yaka jɛmi tɛ̃ a nya mi; ye he guɛ sɔuu a hii gbee, nɛ zo gbeɔ mi kpɔtɔɔ.
16
17 Ní nɛ ɔmɛ tsuo ba wa nɔ, se kɛ̃ ɔ, wa hɛ ji o nɔ, nɛ somi nɛ o kɛ wɔ so ɔ hu wa tɔ̃ we nɔ.
18 Wa kua we mo, nɛ o mlaa a hu, wa tɔ̃ we nɔ.
19 Se o ngmɛɛ wa he ngɔ wo lohwe dikali a dɛ mi, nɛ wa tlɔ diblii kpii mi.
20 Kaa pe wa hɛ je mo, wa Mawu ɔ o nɔ, nɛ wa ya ja ma se mawu ko ɔ,
21 anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.
22 ⓠ O he ɔ, a gbeɔ wɔ be tsuaa be; a buɔ wɔ kaa tohi nɛ a yaa gbe.
23 Nyɔmtsɛ, o hɛ nɛ tsɛ! Tee si nɛ o hyɛ wɔ; ko kua wɔ kulaa!
24 Mɛni he je o ngɔ o hɛ mi kɛ laa wɔ ɔ? Mɛni ba loko o hɛ je nɔ kaa a ngɛ wɔ yi mi wae, nɛ wa ngɛ nɔ́ nae ɔ?
25 Hyɛ kaa wa hule kɛ pue si, nɛ wa tlɔ zugba.
26 Nyɔmtsɛ, tee si nɛ o ba piɛ wa he; ba nɛ o ba he wa yi wami. Ejakaa o mɔbɔ nami ɔ ngɛ daa.