WOMI ENYƆNE
(<x>230 42-72</x>)
Nɔ ko nɛ a nu lɛ kɛ ho ma se ya e kue fami
1 Mawu lee, ye tsui ngɛ sue kɛ ngɛ mo hlae wawɛɛ kaa bɔ nɛ odabɔ tsui suu kɛ hlaa nyu ɔ.
2 Mawu hɛngmengmletsɛ, o he kuma ngɛ mi yee. Mɛni be po ma ba su o ngɔ nɛ ma ja mo?
3 Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”
4 Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.
5 Mɛni he je i pee vii kikɛ nɛ ɔ? Mɛni he je i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ; lɛ ji ye Mawu.
6 Ye tsui ngɛ yee ngɛ ye mi ngɛ ma se hiɛmɛ nɛ ɔ; lɔ ɔ he ɔ, ye juɛmi tsuo ngɛ Mawu nɔ. Kɔmɔ sɔuu ɛ e ha i ngɛ yee kpamisa; hɛ mi kpatami ma mi nami kaa nyu kpekpemi nɛ pee hamahama kɛ ngɛ si puee babaaba, kɛ ngɛ Hermon kɛ Mizar yo ɔmɛ a nɔ jee kɛ ngɛ Yordan kɔ̃ ɔ mi puee.
7
8 Piani ɔ, Yawɛ maa na mi mɔbɔ, konɛ nyɔ mi ɔ, ma la nɛ ma fa kue ha lɛ Mawu, ye yi baalɔ ɔ.
9 Ma bi Mawu, ye he bulɔ ɔ ke, “Mɛni he je o hɛ je ye nɔ? Mɛni he je ma hi nɔ́ nae kpamisa? Mɛni be o ma je mi kɛ je he nyɛli nɛ ngɛ mi haoe ɔ a dɛ mi?”
10 Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.
11 Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ kɛ ye Mawu.