Mawu ngɛ ahumi nɔ he wami
1 ⓓ Nyɛ, Mawu bimɛ, nyɛ je Yawɛ yi, nɛ nyɛɛ wo e hɛ mi nyami.
2 Nyɛɛ wo Yawɛ hɛ mi nyami bɔ nɛ sa lɛ. Nyɛ ja Yawɛ ngɛ klɔuklɔu peemi mi.
3 Yawɛ gbi ngɛ pɛe ngɛ wo ɔ mi. Mawu nɛ e hɛ mi ngɛ nyami ɔ wo gbi, nɛ e pɛ ngɛ wo ɔ nɔ he tsuaa he.
4 Yawɛ gbi ɔ, he wami ngɛ mi. Yawɛ gbi ɔ, hɛ mi nyami ngɛ mi.
5 Yawɛ gbi ɔ kuɔ seda tsohi. Ee, Lebanon seda tsohi po Yawɛ kuɔ mɛ.
6 Yawɛ haa nɛ Lebanon yo ɔmɛ tuɔ kaa na bihi, nɛ e haa nɛ Hermon yo ɔ tuɔ kaa na ku bi.
7 Yawɛ gbi ɔ haa nɛ oslabai gbaa.
8 Yawɛ gbi ɔ haa nɛ nga mimiɛɔ; e gbi ɔ haa nɛ Kadesh nga a mimiɛɔ.
9 Yawɛ gbi ɔ haa nɛ odabɔ fɔɔ bi; e haa nɛ ba kplɔɔ ngɛ tsohi a yi. Nihi tsuo nɛ ngɛ e we ɔ deɔ ke, “Hɛ mi nyami ha Mawu!”
10 Yawɛ ngɛ matsɛ yee ngɛ nyu babauu ɔ nɔ kɛ yaa neneene.
11 Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.