Nɔmlɔ kpakpa kue fami
1 Yawɛ, wo mi nguɔ, ejakaa i peeɔ nɔ́ nɛ da; i ngɔ ye hɛ kɛ fɔ o nɔ kulaa.
2 Yawɛ, kaa mi nɛ o hyɛ; hyɛ ye tsui mi, nɛ o hyɛ ye juɛmi mi.
3 Ejakaa o suɔmi nɛ ngɛ daa a lɛ kpakaa mi; o we anɔkuale ɔ lɛ tsɔɔ mi blɔ.
4 I kɛ yakayaka nimli bɔɛ; i kɛ osatotsɛmɛ pee we nɔ́ ko.
5 I sume he nɛ yayami peeli bua a he nya ngɛ; i kɛ yiwutsotsɛmɛ bɔɛ juami.
6 Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.
7 Ma la sina la, nɛ ma gba nyakpɛ níhi tsuo nɛ o pee.
8 Yawɛ, i suɔ o hi he ɔ. I suɔ o we ɔ, he nɛ o hɛ mi nyami ɔ ngɛ ɔ.
9 Ko kpata ye hɛ mi kɛ piɛ yayami peeli a he; koo gbe mi kɛ piɛ muɔ si pueli a he.
10 Daa be tsuaa be ɔ, nimli nɛ ɔmɛ ngɛ yayami he ga toe; a dɛ mi hyi tɔ kɛ nyɔ mi ní.
11 Se imi lɛɛ nɔ́ nɛ da lɛ i peeɔ. Naa mi mɔbɔ, nɛ o he ye yi wami.
12 Ma je Yawɛ yi ngɛ ma a tsuo hɛ mi; ejakaa i ye ye he kɛ je amanehluhi tsuo a mi.