Nɔmlɔ adesa yi mi wa
(<x>230 53:1</x>)
1 ⓞ Kuasiahi a susumi ji, “Mawu ko be.” Mɛ tsuo a puɛ; ní yayamihi sɔuu lɛ a peeɔ; nɔ ko nɔ ko be nɛ peeɔ nɔ́ nɛ da.
2 Yawɛ hyɛɛ nimli adesahi ngɛ zugba kɛ jeɔ hiɔwe. E hyɛɛ kaa e maa na nɔ ko nɛ le nɔ́, nɛ hlaa lɛ Mawu ɔ se blɔ lo.
3 Se mɛ tsuo a laa blɔ; mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ́ nɛ da; dɛbi, nɔ kake ngmelu po be.
4 Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”
5 Sawale nɛ nya wa maa nu mɛ; ejakaa nihi nɛ peeɔ nɔ́ nɛ da a, Mawu kɛ mɛ ngɛ.
6 Ke yayami peeli ha nɛ ohiatsɛmɛ a yi mi tomi pee basaa a, a ma ya sa we ngɛ Yawɛ ngɔ kɛ̃.
7 Mɛnɔ maa je Zion ba he Israel yi wami? Yawɛ ma a nɛ a nuu kɛ ho ɔ, ke lɛ, Yawɛ ɔ kpale mɛ kɛ ba ekohu ɔ, Israel ma na bua jɔmi, nɛ Yakob ma nya.