La 129

A fa kue kɛ si Israel he nyɛli

1 Israel, jehanɛ de, “Kɛ je ye jokuɛwi a si tɔɔ ɔ, ye he nyɛli wa mi yi mi wawɛɛ nitsɛ!”

2 “Kɛ je ye jokuɛwi a si tɔɔ ɔ, ye he nyɛli wa mi yi mi wawɛɛ nitsɛ, se kɛ̃ ɔ, a nyɛ we mi.

3 A plaa ye se mi wawɛɛ, ye se mi pee kaa ngmɔ nɛ a kɛ kpakplaa hu.

4 Yawɛ lɛɛ nɔ́ nɛ da lɛ e peeɔ; e je mi kɛ je yiwutsotsɛmɛ a dɛ mi.”

5 Nihi tsuo nɛ sume Zion ɔ, zo nɛ gbe mɛ nɛ a kpale a se!

6 A pee kaa nga nɛ ngɛ puɛe ngɛ tsu yi mi; benɛ e na we nɛ e wa, kɛkɛ e gbli momo.

7 Nga nɛ ɔ, nɔ ko fa we, nɛ a fi we nɛ a tloo kɛ je.

8 Nihi nɛ bee ɔ kó de ke, “Yawɛ nɛ gbaa nyɛ! Wa ngɛ nyɛ gbaae ngɛ Yawɛ biɛ mi!”