Mawu ji e ma a he bulɔ 1 Ke pi Yawɛ nɛ piɛ wa he ɔ nɛɛ? Israel ha heto koo! 2 “Ke pi Yawɛ nɛ piɛ wa he be mi nɛ wa he nyɛli te si kɛ wo wɔ ɔ, 3 jinɛ bɔ nɛ a mi mi fu wɔ wawɛɛ nɛ ɔ, a ko mii wɔ hɛ ngmengmle; 4 jinɛ nyu babauu ɔ ko sá wɔ kɛ ho nɛ e ha wa nɔ; 5 nɛ nyu hamahama a ko kpata wa hɛ mi pɛsɛpɛsɛ.” 6 Nyɛ ha waa na Yawɛ si; ejakaa e ha we nɛ wa plɛ pee wa he nyɛli ɔmɛ a lungu nya lo! 7 Wa je a dɛ mi kaa bɔ nɛ lohwe pɛlitsɛ jee ya mi; ya a gba, nɛ wa je mi slɔkee. 8 Yawɛ, hiɔwe kɛ zugba bɔlɔ ɔ ji nɔ nɛ piɛɔ wa he.