Yawɛ ji wa he bulɔ 1 Ke i wo ye yi nɔ nɛ i hyɛ yoku ɔmɛ ɔ, i biɔ ke jije balɔ maa je kɛ ba? 2 Yawɛ, nɔ nɛ bɔ hiɔwe kɛ zugba a, lɛ ji nɔ nɛ piɛɔ ye he. 3 E be hae nɛ o sane kɛ nɔ si. O he bulɔ ɔ, e de we kɔnɔɛ gblegbleegble. 4 O nɛ, Israel he bulɔ ɔ de we kɔnɔɛ, nɛ e hwɔ we mahe hulɔ. 5 Yawɛ ji o yi baalɔ. E ngɛ o kasa nya, konɛ e bu o he. 6 Piani ɔ, pu be mo sããe, nɛ nyɔ mi hu nyɔhiɔ be mo nɔ́ ko pee. 7 Yawɛ maa bu o he kɛ je yayami tsuo mi; e maa baa o yi. 8 Ke o je kpo jio; o kpale kɛ ma we mi jio, Yawɛ maa bu o he. E maa bu o he kɛ je be nɛ ɔ mi kɛ maa ya neneene.