La 114

Hetsɔmi nyami be la

1 ⓘ Benɛ Israel bi ɔmɛ je Egipt, ee, benɛ Yakob nina a je ma se zugba a nɔ ɔ,

2 Yuda ba pee Nyɔmtsɛ ɔ ma klɔuklɔu, nɛ Israel ba pee e nɔ yemi he.

3 ⓙ Wo Tsu ɔ na mɛ, nɛ e tu fo; Yordan pa a hu se po.

4 Yo ɔmɛ tuu kaa agbosuhi, yoku ɔmɛ tuu kaa jijɔhi.

5 Mo wo, mɛni ba nɛ o tu fo ɔ? Yordan, mɛni ha o se po ɔ?

6 Nyɛ yohi, mɛni ba nɛ nyɛ ngɛ tuue kaa agbosuhi ɔ? Nyɛ yokuhi, mɛni ha nɛ nyɛ ngɛ tuue kaa jijɔhi ɔ?

7 Zugba lee, mo mimiɛ ngɛ Nyɔmtsɛ ɔ hɛ mi; mimiɛ ngɛ Yakob Mawu ɔ hɛ mi koo;

8 ⓚ lɛ nɛ haa tɛ sa plɛɔ peeɔ taku kɛ e mi nyu buɛii, nɛ nyu paa si kɛ jeɔ tslɛbo mi.