1 Hiob, o ke o kɛ Mawu Ope ɔ maa hua munyu he. Anɛ o ma ha yi, aloo o maa ya nɔ? Ha mi heto!
2
Hiob
3 I kpa mo pɛɛ, pi nɔ ko kulaa ji mi. Mɛni heto ma ha mo? I be munyu tue hu.
4
5 I tu munyu pe bɔ nɛ sa nɛ ma tu; i pa be nɔ́ ko dee hu.
6 Kɛkɛ nɛ Yawɛ kɛ Hiob tu munyu ekohu kɛ je kɔɔhiɔ nɛ nya wa mi.
Yawɛ
7 Jehanɛ, da si kaa nyumu! Ma bi mo sane, nɛ o ha mi heto.
8 Anɛ o ngɛ hlae nɛ o bu mi fɔ kaa i yi dami sane, konɛ moo lɛɛ o wo o he nguɔ kaa o nɔ́ da lo?
9 Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?
10 Ke ja a, dla o he, nɛ o he nɛ pee fɛu. Wo ablade tade saminyayoo, konɛ o hɛ mi nɛ ba nyami.
11 Hyɛ he woli! O mi mi nɛ fu mɛ nɛ o ba mɛ si.
12 Ee, hyɛ mɛ nɛ o ba mɛ si. Moo naa yiwutsotsɛmɛ a nɔ ngɛ a hi he ɔmɛ.
13 Moo pu mɛ tsuo ngɛ tabo zu mi, nɛ o fi a hɛ mi ngɛ gbeje.
14 Ke o pee ja a, lɛɛ imi hu ma je o yi, nɛ ma de ke o ma nyɛ ma he mo nitsɛ o yi wami.
15 Hyɛ pa mi suɔ! I bɔ lɛ, kɛ mo tsuo. E kpeɔ nga kaa na.
16 Se hyɛ bɔ nɛ e nɔmlɔ tso ɔ he wa ha; hyɛ bɔ nɛ e pani ɔmɛ ti ha!
17 E hlemi ngɛ tlɔmɔɔ kaa seda tso. Panihi nɛ hɛɛ e fiɔ ɔmɛ ɔ a he wa saminya.
18 E wuhi a he wa kaa akɔblee, nɛ e nanehi ngɛ kaa dade.
19 Lɛ ji ye nibɔ ní ɔmɛ a kpɛti nɔ́ nɛ ngɛ nyakpɛ pe mɛ tsuo. E bɔlɔ ɔ pɛ ji nɔ nɛ ma nyɛ maa ye e nɔ.
20 E naa niye ní ngɛ yo ɔmɛ a nɔ; lejɛ ɔ lɛ pu mi lohwehi tsuo ya fiɛɔ ngɛ.
21 E buɔ si ngɛ mio tsohi a sisi, nɛ e laa e he ngɛ ngɔwuhi a kpɛti ngɛ pa mi.
22 Mio tso ɔmɛ peeɔ hɔ̃ kɛ haa lɛ, nɛ ngɔwu ɔmɛ bɔleɔ lɛ kɛ kpeɔ ngɛ nyu ɔ mi.
23 Ke pa a he wa tete po, e yi gbeye. Ke Yordan pa a nitsɛ fia kɛ ba pue e hɛ mi pohu, e bui tete.
24 Anɛ nɔ ko ma nyɛ maa nu lɛ kɛ gbowe lo? Anɛ nɔ ko ma nyɛ maa wo e gugwɔ mi ga lo?