Hiob
1 Mwɔnɛ ɔ hu i kɛ Mawu na ekohu; i ngɛ kɛmɛe, se e ngɛ ye tue gblae kɛ mwɔɔ.
2
3 I na nɛ i le he nɛ ma na lɛ ngɛ; i na nɛ i le bɔ nɛ ma pee kɛ ya lejɛ ɔ.
4 Jinɛ ma ngɔ ye sane ɔ kɛ ya fɔ e hɛ mi, nɛ ma je ye nya bɔ nɛ ma nyɛ.
5 Ma suɔ nɛ ma le nɔ́ nɛ e ma de, kɛ bɔ nɛ e ma ha mi heto ha.
6 Anɛ Mawu kɛ mi maa to ní ngɛ e he wami kpetekpleenyɛ ɔ nya lo? Dɛbi, e maa bu mi tue kɛ̃.
7 Anɔkualetsɛ ji mi; i kɛ Mawu ma hla níhi a nya; nyagbe ɔ, e maa wo mi nguɔ kɛ̃.
8 I hla Mawu ngɛ beleku je, se e be lejɛ ɔ; i ba bonyoku je hu, i nɛ lɛ.
9 I hla lɛ ngɛ omleyi je, se i nɛ lɛ; i kpale kɛ ba leneyi je hu, i nɛ lɛ ja nɔuu.
10 Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.
11 Mawu blɔ ɔ, lɔ ɔ nɔ i nyɛɛɔ daa nɛ; i gba we kɛ yɛ muɔ nɔ, loo hiɔ nɔ.
12 Nɔ́ nɛ Mawu fa mi ke ma pee ɔ, lɔ ɔ i peeɔ. I pee we imi nitsɛ ye suɔmi nya ní; Mawu suɔmi nya ní lɛ i peeɔ.
13 Mawu ɔ, bɔ nɛ e ngɛ ɔ, jã kɛ̃ e ngɛ; e tsakee we. Nɔ́ nɛ e suɔ ɔ, lɔ ɔ e peeɔ. Mɛnɔ ma nyɛ ma tsake e yi mi tomi?
14 Nɔ́ nɛ e to ha mi ɔ, lɔ ɔ e ngɛ pee ɔ nɛ; níhi kaa kikɛ nɛ ɔ babauu hu ngɛ e yi mi.
15 Ke i susu ní nɛ ɔmɛ a he ɔ, i yeɔ Mawu gbeye, nɛ ye he doɔ blibliibli ngɛ e hɛ mi.
16 Mawu ha nɛ ye nine mi jɔ̃; Ope ɔ wo ye he gbeye.
17 Ejakaa diblii bɔle mi kɛ kpe; diblii kpii ha ye hɛ mi.