A tsukɔ kpe he bo tsu ɔ he
1
2 “Kekleekle nyɔhiɔ ɔ we kekleekle ligbi ɔ nɔ ɔ, ngɔɔ kpe he bo tsu ɔ kɛ ma si.
3 Ngɔɔ somi daka a nɛ mlaa amɛ ngɛ mi ɔ kɛ ma mi, konɛ o ngɔ tsu mi pomi bo ɔ kɛ tsi daka a hɛ mi.
4 Ngɔɔ okplɔɔ ɔ kɛ ba ma kpe he bo tsu ɔ mi nɛ o to ní ɔmɛ tsuo kɛ ma nɔ pɛpɛɛpɛ. Lɔ ɔ se ɔ, ngɔɔ kane tso ɔ hu kɛ ba mi, nɛ o ngɔ kane ɔmɛ kɛ ma nɔ.
5 Ngɔɔ sika tsu bɔ sami la tɛ ɔ nɛ a kɛ maa sã tsopa kɛ e he via a kɛ ma somi daka a hɛ mi, nɛ o wo bo ngɔ kpla si ngɛ kpe he bo tsu ɔ sinya a nya.
6 Ngɔɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya.
7 Ngɔɔ nyu kã a kɛ ma kpe he bo tsu ɔ kɛ bɔ sami la tɛ ɔ a kpɛti, nɛ o yɛ nyu kɛ wo mi.
8 Moo po piɛ kɛ bɔle he klɔuklɔu, nɛ o wo bo ngɔ kpla si ngɛ piɛ ɔ sinya a nya.
9
10 Moo pɔ sami bɔ la tɛ ɔ kɛ e he ní ɔmɛ tsuo nu nɛ o tsukɔ bɔ sami la tɛ ɔ he; kɛkɛ e maa pee klɔuklɔu kɛ pi si.
11 Nyu kã a kɛ e sisi kla a hu o pɔ mɛ nu nɛ o kɛ tsukɔ a he ja nɔuu.
12
13 Ngɔɔ tade klɔuklɔu ɔmɛ kɛ wo Aaron, nɛ o pɔ lɛ nu, nɛ o julaa lɛ, nɛ e sɔmɔ mi kaa osɔfo.
14 Ngɔɔ e binyumu ɔmɛ hu kɛ ba, nɛ o wo mɛ hiɔwe tade ɔmɛ.
15 Moo pɔ mɛ hu nu kaa bɔ nɛ o pɔ a tsɛ ɔ nu ɔ, konɛ mɛ hu a sɔmɔ mi kaa osɔfohi. Kikɛmɛ a nu pɔmi nɛ ɔ maa pee mɛ kɛ a nina tsuo osɔfohi kɛ maa ya neneene.”
16
17 Lɔ ɔ he ɔ, a we Egipt jemi jeha nɛ ji enyɔ ɔ kekleekle nyɔhiɔ ɔ kekleekle ligbi ɔ, a ma kpe he bo tsu ɔ si.
18 Mose ji nɔ nɛ ma kpe he bo tsu ɔ si. E ka nɔ dami ní ɔmɛ, nɛ e kɛ sima tso ɔmɛ ma si. Lɔ ɔ se ɔ, e fi mani ɔmɛ kɛ wo a he, nɛ e kɛ titima amɛ ma si.
19 E ma bo tsu ɔ si, nɛ e ngɔ kpe he bo tsu ɔ heha nɔ́ ɔ ngɔ ha he kaa bɔ nɛ Yawɛ fa lɛ ɔ.
20 E ngɔ mlaa amɛ kɛ wo somi daka a mi. E kɛ tso ɔmɛ hɔɔ daka a he ga amɛ a mi, nɛ e ngɔ daka a nya nɔ́ ɔ ngɔ bu nya.
21 Lɔ ɔ se ɔ, e kɛ daka a ba ma kpe he bo tsu ɔ mi, nɛ e kɛ tsu mi pomi bo ɔ kpla si, nɛ e kɛ tsi somi daka a nɛ mlaa amɛ ngɛ mi ɔ hɛ mi kaa bɔ nɛ Yawɛ fa lɛ, Mose ɔ.
22
23 nɛ e to abolo klɛdɛɛ ɔ nɛ a kɛ maa Yawɛ hɛ mi ɔ kɛ ma nɔ kaa bɔ nɛ Yawɛ fa lɛ ɔ.
24 E ngɔ kane tso ɔ kɛ ma kpe he bo tsu ɔ mi ngɛ okplɔɔ ɔ hanɔ, ngɛ leneyi je,
25 nɛ e su kane ɔmɛ kɛ ma nɔ ngɛ Yawɛ hɛ mi kaa bɔ nɛ Yawɛ fa lɛ ɔ.
26 E ngɔ sika tsu bɔ sami la tɛ ɔ kɛ ma kpe he bo tsu ɔ mi, ngɛ tsu mi pomi bo ɔ hɛ mi,
27 nɛ e sã tsopa kɛ e he via ngɛ nɔ kaa bɔ nɛ Yawɛ fa lɛ ɔ.
28 Mose kɛ bo ɔ ha kpe he bo tsu ɔ sinya a nya.
29 E ngɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya, nɛ e sã sami bɔ, kɛ niye ní bɔ ngɛ nɔ kaa bɔ nɛ Yawɛ fa lɛ ɔ.
30 E kɛ nyu kã a ma kpe he bo tsu ɔ kɛ bɔ sami la tɛ ɔ a kpɛti, nɛ e yɛ nyu kɛ wo mi.
31 Nɛ kaa bɔ nɛ Yawɛ fa lɛ ɔ, be tsuaa be nɛ lɛ, Mose ɔ, kɛ Aaron kɛ e binyumu ɔmɛ maa sɛ kpe he bo tsu ɔ mi, aloo a maa ya bɔ sami la tɛ ɔ hɛ mi ɔ, a kɛ nyu ɔ ma fɔ a dɛ kɛ a nane he.
32
33 Mose po piɛ kɛ bɔle kpe he bo tsu ɔ, kɛ bɔ sami la tɛ ɔ he, nɛ e wo bo ngɔ kpla piɛ ɔ sinya a nya. Mose gbe ní tsumi ɔ tsuo nya.
Bɔku ɔ ngɛ kpe he bo tsu ɔ he
(<x>40 9:15-23</x>)
34
35 Enɛ ɔ he je ɔ, Mose nyɛ we nɛ e sɛ kpe he bo tsu ɔ mi.
36 Ngɛ Israel bi ɔmɛ a blɔ nyɛɛmi ɔ tsuo mi ɔ, ke bɔku ɔ wo e he nɔ kɛ je kpe he bo tsu ɔ he pɛ kɛkɛ a pue blɔ.
37 Ke bɔku ɔ wo we e he nɔ ɔ, lɔ ɔ lɛɛ a hiɛ blɔ kɛ yaa si ligbi nɛ e ma wo e he nɔ.
38 Ngɛ Israel ma a blɔ nyɛɛmi ɔ tsuo mi ɔ, Yawɛ jeɔ e he kpo tsɔɔ mɛ ngɛ kpe he bo tsu ɔ yi mi; piani ɔ, a naa lɛ kaa bɔku, nɛ nyɔ mi lɛɛ a naa lɛ kaa la nɛ ngɛ tsoe.