Yuda matsɛ, Ahaz
(<x>120 16:1-4</x>)
1
2 Mohu ɔ, e ya wo Israel matsɛmɛ ɔmɛ a nane. E ha nɛ a puɛ dade amagahi po kɛ ha Baal ɔmɛ.
3 E sã tsopa kɛ e he via ngɛ Hinom kɔ̃ ɔ mi. Pi lɔ ɔ kɛkɛ. E kɛ lɛ nitsɛ e bimɛ po sã sami bɔhi kɛ ha amagahi kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.
4 Ahaz sã bɔ, kɛ tsopa kɛ e he via ngɛ jami he ɔmɛ, yoku ɔmɛ a nɔ, kɛ tsohi nɛ a bɔ kusuu ɔ a sisi.
Ahaz kɛ Siria kɛ Israel hwu ta
(<x>120 16:5</x>)
5
6
7 Israel ta bulɔ ko nɛ a tsɛɛ lɛ Zikri ɔ gbe Matsɛ Ahaz binyumu Maaseya, matsɛ we nɔ hyɛlɔ ɔ nɛ a tsɛɛ lɛ Azrikam ɔ, kɛ Elkana, matsɛ se yelɔ ɔ.
8 Israel bi ɔmɛ nuu a nyɛmimɛ Yuda bi ɔmɛ a ti nihi akpe lafa enyɔ nɛ ji yihi kɛ jokuɛwi sɔuu nyɔguɛ, nɛ a kɛ mɛ ho Samaria ya. A muɔ ta yibu ní babauu hu kɛ ho.
Gbalɔ Oded
9
10 Amlɔ nɛ ɔ, nyɛ to kaa nyɛ maa pee nyumuhi kɛ yihi nɛ ngɛ Yerusalem kɛ Yuda a nyɛ nyɔguɛhi. Anɛ nyɛ li kaa nyɛ hu nyɛ pee yayamihi kɛ si Yawɛ, nyɛ Mawu ɔ lo?
11 Tse nyɛ ngɛ tue bue! Nimli nɛ ɔmɛ nɛ nyɛ ya nuu mɛ nyɔguɛ ɔ, nyɛ nitsɛmɛ nyɛ nyɛmimɛ ji mɛ. Nyɛɛ ngmɛɛ a he nɛ a ho; ke pi ja a, Yawɛ kɛ mi mi la maa gbla nyɛ tue.”
12
13 A de ta buli ɔmɛ ke, “Nyɛ ko ngɔ ta nyɔguɛ ɔmɛ kɛ ba hiɛ ɔ! Wɔ nitsɛmɛ hu wa pee yayami kɛ si Yawɛ; wa wo e mi mi la, nɛ tue gblami fɔɔ si ha wɔ momo. Jehanɛ, nyɛ pa ngɛ pee konɛ wa yayami ɔ nɛ hiɛ kɛ be nɔ!”
14 Kɛkɛ nɛ ta buli ɔmɛ ngɔ ta nyɔguɛ ɔmɛ, kɛ ta yibu ní ɔmɛ ngɔ wo ma a, kɛ ganɔ ɔmɛ a dɛ mi.
15 A hla ni eywiɛ ɔmɛ nɛ a wo a biɛ ta a ke a hyɛ ta nyɔguɛ ɔmɛ a nɔ. Nihi tsuo nɛ hɛɛ a he gu, nɛ e hia kaa a ha mɛ bo nɛ a bu ɔ, a ha mɛ bo; ni nɛmɛ nɛ e hia kaa a ha mɛ tade nɛ a wo hu, a ha mɛ tade. Ta yibu ní ɔmɛ nɛ a ha a ekomɛ ji bo ɔmɛ, kɛ tade ɔmɛ ɔ nɛ. Jehanɛ, a ha mɛ tokota nɛ a wo; a ha mɛ ní nɛ a ye; a ha mɛ nyu nɛ a nu, nɛ a to a pa amɛ a nɔ nu. Ni nɛmɛ nɛ pɔ tɔ mɛ, nɛ he wami be a he ɔ, a ngɔ mɛ ngɔ hi tejihi a nɔ, nɛ a kpale mɛ tsuo kɛ ho Yuda zugba a nɔ ya ngɛ Yeriko, ma nɛ tã ngɛ mi ɔ. Lɔ ɔ se ɔ, Israel bi ɔmɛ kpale kɛ ho Samaria ya.
Ahaz ya bi Asiria yemi kɛ buami
(<x>120 16:7-9</x>)
16
17
18 Jamɛ a be ɔ mi nɔuu ɔ, Filisti bi ɔmɛ hu ba tua mahi nɛ ngɛ kɔ̃ ɔ mi ngɛ bonyoku je ɔ, kɛ mahi nɛ ngɛ Yuda leneyi je ɔ. Filisti bi ɔmɛ ngɔ ma nɛ ɔmɛ, nɛ a hi a mi: Bet Shemesh, Aiyalon, kɛ Gederot. A ngɔ Soko kɛ Timna, kɛ Gimzo, kɛ kɔpehi nɛ bɔle ma nɛ ɔmɛ.
19 Yuda matsɛ, Ahaz he ɔ, Yawɛ kɛ haomi ba Yuda ma a tsuo nɔ; ejakaa Ahaz ngmɛɛ ma a he kɛ fɔ si, nɛ e pee yayami babauu hu kɛ si Yawɛ.
20 Se benɛ Asiria matsɛ, Tiglat Pileser ba a, e ba piɛ we Matsɛ Ahaz he; e ba hao lɛ mohu.
21 Ahaz ya muɔ sika tsu ngɛ Yawɛ we ɔ, matsɛ we ɔ, kɛ ganɔ ɔmɛ a we ɔmɛ a mi, nɛ e kɛ ha Asiria matsɛ ɔ. Se kɛ̃ ɔ, Tiglat Pileser piɛ we e he.
Ahaz he yayamihi
22
23 E sãã bɔhi kɛ haa Siria mawu ɔmɛ nɛ ba ye e nɔ kunimi ɔ. E deɔ ke, “Siria mawu ɔmɛ piɛɔ Siria matsɛmɛ ɔmɛ a he. Lɔ ɔ he ɔ, ke i sã bɔ kɛ ha mɛ ɔ, a maa piɛ imi hu ye he.” Nɔ́ nɛ ɔ kɛ haomi ba e kɛ e ma a tsuo nɔ.
24 Ahaz bua Yawɛ we ɔ mi ní ɔmɛ tsuo a nya, nɛ e ywia mɛ dukuduku. E ngmɛ Yawɛ we ɔ nya; nɛ e ma bɔ sami la tɛhi ngɛ he tsuaa he ngɛ Yerusalem.
25 E po jami hehi ngɛ Yuda mahi, kɛ kɔpehi tsuo a mi, konɛ a sã tsopa kɛ e he via ngɛ lejɛ ɔmɛ kɛ ha ma se mawuhi. Bɔ nɛ e pee kɛ wo Yawɛ, e nɛmɛ a Mawu ɔ mi mi la ji nɛ ɔ nɛ.
26
27