Kronika I, 8

Benyamin nina

1 Benyamin ngɛ binyumuhi enuɔ. E bitɛte ɔ biɛ ji Bela. Bela senihi ngɛ a wami nya ji Ashbel, Ahara,

2 Noha, kɛ Rafa.

3 Bela nina ji nɛ ɔmɛ nɛ: Adar, Gera, Abihud,

4 Abishua, Naaman, Ahoa,

5 Gera, Shefufan, kɛ Huram.

6 Ehud nina ji nɛ ɔmɛ nɛ: Naaman, Ahiya, kɛ Gera. We puɔ nya dali ji mɛ ngɛ Geba. Se a nuu mɛ ngɛ ta mi, nɛ a ngɔ mɛ kɛ ho Manahat ya. Gera ji nɔ nɛ ngɔ mɛ kɛ ho. E binyumuhi ji Uza kɛ Ahihud.

7

8 Shaharaim ngmɛɛ e yihi enyɔ a he; a tsɛɛ nɔ kake ke Hushim, nɛ a tsɛɛ nɔ kake hu ke Baara. Pee se ɔ, benɛ e ya hi Moab zugba a nɔ ɔ, e ngɔ yo ko nɛ a tsɛɛ lɛ Hodesh ngɛ lejɛ ɔ. Binyumuhi nɛ e kɛ lɛ fɔ ji Yobab, Zibia, Mesha, Malkam,

9

10 Yeuz, Sakia, kɛ Mirma. E bimɛ ɔmɛ tsuo ba pee we puɔ nya dali.

11 Shaharaim kɛ e yo Hushim hu fɔ binyumuhi enyɔ: Abitub kɛ Elpaal.

12 Elpaal ngɛ binyumuhi nɛ a tsɛɛ mɛ Eber, Misham, kɛ Shemed. Shemed ji nɔ nɛ to Ono kɛ Lod ma amɛ, kɛ kɔpehi nɛ bɔle ma amɛ ɔ sisi.

Benyamin bi ɔmɛ ngɛ Gat kɛ Aiyalon

13 Beria kɛ Shema ji we puɔ nya dali komɛ. A hi Aiyalon, nɛ a fie Gat bi ɔmɛ kɛ je a ma a mi.

14 Beria nina ji nɛ ɔmɛ nɛ: Ahio, Shashak, Yeremot,

15 Zebadia, Arad, Eder,

16 Mikael, Ishpa kɛ Yoha.

Benyamin bi ɔmɛ ngɛ Yerusalem

17 Elpaal nina ji nɛ ɔmɛ nɛ: Zebadia, Meshulam, Hizki, Heber,

18 Ishmerai, Izlia, kɛ Yobab.

19 Shimei nina ji nɛ ɔmɛ nɛ: Yakim, Zikri, Zabdi,

20 Elienai, Ziletai, Eliel,

21 Adaya, Beraya, Shimrat.

22 Shashak nina ji nɛ ɔmɛ nɛ: Ishpan, Eber, Eliel,

23 Abdon, Zikri, Hanan,

24 Hanania, Elam, Antotiya,

25 Ifdeya, kɛ Penuel.

26 Yeroham nina ji nɛ ɔmɛ nɛ: Shamsherai, Sheharia, Atalia,

27 Yaareshia, Eliya, kɛ Zikri.

28 Ni nɛ ɔmɛ ji we puɔ nya dali kɛ a nina, nɛ a hi Yerusalem.

Benyamin bi ɔmɛ ngɛ Gibeon kɛ Yerusalem

29 Yeyel ji nɔ nɛ to Gibeon ma a sisi, nɛ e hi lejɛ ɔ. E yo biɛ ji Maaka,

30 nɛ a tsɛɛ e bitɛte ɔ ke Abdon. E bimɛ kpa amɛ a biɛhi ji Zur, Kish, Baal, Ner, Nadab,

31 Gedor, Ahio, Zeker, kɛ

32 Miklot nɛ ji Shimea tsɛ. A nina hi Yerusalem ngɛ a nyɛmimɛ kpa amɛ a kasa nya.

Matsɛ Saul weku kpa

33 Ner bi ji Kish, nɛ Kish bi ji Matsɛ Saul. Saul ngɛ binyumuhi nɛ a tsɛɛ mɛ Yonatan, Malkishua, Abinadab, kɛ Eshbaal.[5]

34 Yonatan bi ji Meribaal,[6] nɛ Meribaal bi ji Mika.

35 Mika ngɛ binyumuhi nɛ a tsɛɛ mɛ Piton, Melek, Tarea, kɛ Ahaz.

36 Ahaz bi ji Yehoada. Yehoada ngɛ binyumuhi etɛ: Alemet, Azmavet, kɛ Zimri. Zimri bi ji Moza.

37 Moza bi ji Binea, Binea bi ji Rafa, Rafa bi ji Eleasa, nɛ Eleasa bi ji Azel.

38 Azel ngɛ binyumuhi ekpa. A biɛhi ji Azrikam, Bokeru, Ishmael, Shearia, Obadia, kɛ Hanan.

39 Azel nyɛminyumu Eshek ngɛ binyumuhi etɛ: Ulam, Yeush, kɛ Elifelet.

40 Ulam binyumu ɔmɛ ɔ, ta buli katsɛmɛ ji mɛ, nɛ a nine nya da kɛ kɛ̃ɛ̃ tsɛ̃mi. E bimɛ kɛ e bibimɛ tsuo a hiɛmi ji lafa kɛ nyingmi enuɔ. Mɛ tsuo a je Benyamin wɛtso ɔ mi.