Introduction
Matsɛmɛ II,
NYA TSƆƆMI Israel matsɛmɛ ɔmɛ a he sane nɛ a ngma ngɛ Matsɛmɛ a Kekleekle Womi ɔ mi ɔ nɔ tsami ji nɛ ɔ nɛ. Matsɛmɛ ɔmɛ a Womi Enyɔne ɔ ngɛ mi dlami pɔtɛɛ enyɔ. Kekleekle mi dlami ɔ kɔɔ matsɛ yemi enyɔ ɔmɛ a he, kɛ je maa pee jeha 900 loko a fɔ Kristo kɛ ya si be nɛ a ye Samaria ma a nɔ kunimi, kɛ be nɛ omleyi je matsɛ yemi ɔ nya ya hɛ si, jeha 721 loko a fɔ Kristo. Mi dlami enyɔne ɔ lɛɛ Yuda matsɛ yemi ɔ he sane kɛ je be nɛ Israel matsɛ yemi ɔ nya hɛ si, kɛ ya si Babilonia matsɛ, Nebukadnezar ba kpata Yerusalem ma a hɛ mi, jeha 586 loko a fɔ Kristo nɛ a ngma ngɛ mi. Sane enyɔ nɛ a ngma kɛ gbe womi nɛ ɔ nya ji nɛ ɔ nɛ: a. Gedalia ye amlaalo ngɛ Yuda, ngɛ Babilonia bi ɔmɛ a nɔ yemi be ɔ mi. b. A je Matsɛ Yehoyakin ngɛ tsu mi, ngɛ Babilon. Nɔ́ nɛ kɛ haomi nɛ ɔmɛ ba ma a nɔ ji, Israel bi ɔmɛ kɛ Yuda bi ɔmɛ yi Yawɛ anɔkuale. Yerusalem hɛ mi kpatami, kɛ bɔ nɛ a nuu Yuda bi babauu nyɔguɛ kɛ ho ma se ya a, ji ní yaya komɛ nɛ jeɔ kpo ngɛ Israel bi ɔmɛ a blema sanehi a mi. Gbalɔ nɛ e biɛ pɛɛ pe kulaa ngɛ womi nɛ ɔ mi ji Elisha nɛ ba ye Eliya se ɔ. Bɔ nɛ a dla womi ɔ mi • Matsɛ yemi ɔ nɛ mi gba a 1.1—17.41
a. Gbalɔ Elisha 1.1—8.15
b. Yuda kɛ Israel matsɛmɛ ɔmɛ 8.16—17.4
d. A ye Samaria nɔ kunimi 17.5-41
• Yuda matsɛ yemi ɔ 18.1—25.30
a. Kɛ je Hezekia nɔ kɛ ya si Yosia nɔ 18.1—21.26
b. Yosia matsɛ yemi 22.1—23.30
d. Yuda matsɛmɛ ɔmɛ nɛ ba ngɛ nyagbe ɔ 23.31—24.20
e. A ye Yerusalem ma a nɔ kunimi 25.1-30
a. Gbalɔ Elisha 1.1—8.15
b. Yuda kɛ Israel matsɛmɛ ɔmɛ 8.16—17.4
d. A ye Samaria nɔ kunimi 17.5-41
• Yuda matsɛ yemi ɔ 18.1—25.30
a. Kɛ je Hezekia nɔ kɛ ya si Yosia nɔ 18.1—21.26
b. Yosia matsɛ yemi 22.1—23.30
d. Yuda matsɛmɛ ɔmɛ nɛ ba ngɛ nyagbe ɔ 23.31—24.20
e. A ye Yerusalem ma a nɔ kunimi 25.1-30