Introduction
Samuel II,
NYA TSƆƆMI Samuel Womi Enyɔne ɔ ji Samuel Kekleekle Womi ɔ nɔ tsami. Womi nɛ ɔ gbaa wɔ David matsɛ yemi he sane kɛ je be nɛ e ye tsɛ ha Yuda (Yi 1-4), kɛ ba si be nɛ e ye tsɛ ha ma a tsuo, nɛ ji Yuda ngɛ leneyi je, kɛ Israel ngɛ omleyi je (Yi 5-24). Daa nɛ ɔ, David kɛ he nyɛli slɔɔtohi ngɛ ta hwue, bɔ nɛ pee nɛ e matsɛ yemi ɔ nɛ e da si, nɛ e mi nɛ blɛke. He nyɛli nɛ ɔmɛ ekomɛ je ma a mi, nɛ ekomɛ hu je ma se. David heɔ Mawu yeɔ saminya, nɛ e ngɔ e he ngɔ ha lɛ kulaa. E ma mi bi ɔmɛ hu suɔ lɛ saminya. Se be komɛ ɔ, e peeɔ basabasa; e ya dii e we akɔnɔ se, nɛ e peeɔ yayami komɛ nɛ a nya wa. Ke David pee yayami nɛ Yawɛ gbalɔ Natan kã e hɛ mi ɔ, e jajeɔ e he yayami ɔmɛ, nɛ e piaa e he. Ke Mawu gbla e tue ɔ, e nuɔ tue gblami ɔ sisi, nɛ e de we nɔ́ ko. David wami he sane, kɛ e ní tsumi sa Israel ma a hɛ mi saminya. Enɛ ɔ he je ɔ, yi nɔhi nɛ ba ngɛ e se ɔ kaiɔ lɛ. Ke amanehlu ko ba ma a nɔ kikɛ nɛ ɔ, ma mi bi ɔmɛ kɛ hɛja hyɛɛ blɔ kaa matsɛ he ko maa ba nɛ ji “David bi”. A hyɛɛ blɔ kaa David nina nɛ ɔ maa hi kaa David nitsɛ. Bɔ nɛ a dla womi ɔ mi ha • David ye tsɛ ha Yuda 1.1—4.12
• David ye tsɛ ha Israel ma a tsuo 5.1—24.25
a. Kekleekle jeha amɛ 5.1—10.19
b. David kɛ Batsheba 11.1—12.25
d. Amanehluhi kɛ haomihi 12.26—20.26
e. Nyagbe jeha amɛ 21.1—24.25
• David ye tsɛ ha Israel ma a tsuo 5.1—24.25
a. Kekleekle jeha amɛ 5.1—10.19
b. David kɛ Batsheba 11.1—12.25
d. Amanehluhi kɛ haomihi 12.26—20.26
e. Nyagbe jeha amɛ 21.1—24.25