Esau nina
(<x>130 1:34-37</x>)
1 Esau, nɛ e biɛ kpa ji Edom ɔ, e he sane ji nɛ ɔ nɛ.
2 ⓧ Esau ngɔ Kanaan yihi. Mɛ ji nɛ ɔmɛ nɛ: Hit no ɔ nɛ a tsɛɛ lɛ Elon ɔ biyo Ada, kɛ Hiv no ɔ nɛ a tsɛɛ lɛ Zibeon ɔ bi Ana biyo Oholibama,
3 ⓨ kɛ Ishmael biyo Basemat, Nebayot nyɛmiyo ɔ.
4 Ada kɛ Esau fɔ Elifaz; Basemat fɔ Reuel;
5 nɛ Oholibama fɔ Yeush, Yalam, kɛ Kora. Binyumuhi nɛ Esau fɔ ngɛ Kanaan zugba a nɔ ji nɛ ɔmɛ nɛ.
6 Esau ngɔ e yi ɔmɛ, e binyumu ɔmɛ, e biyi ɔmɛ, kɛ nihi tsuo nɛ ngɛ e we ɔ mi ɔ, e lohwe ɔmɛ, kɛ níhi tsuo nɛ e bua nya ngɛ Kanaan zugba a nɔ ɔ, nɛ e je e nyɛmi Yakob he kɛ ho zugba kpa nɔ ya.
7 Esau je e nyɛmi ɔ he, ejakaa e kɛ Yakob ɔ a weto ní hiɛ babauu pe bɔ nɛ mɛ ni enyɔ ɔmɛ tsuo a ma nyɛ hi he kake; a lohwe ɔmɛ hiɛ babauu, nɛ zugba a he nɛ a ngɛ ɔ kpi mɛ.
8 Enɛ ɔ he je ɔ, Esau hia kɛ ya hi Edom yo ɔ nɔ.
9 Esau, Edom bi ɔmɛ a tsɛ ɔ nina ji nɛ ɔ nɛ.
10 Esau kɛ e yo Ada fɔ binyumu kake; e biɛ ji Elifaz. Elifaz fɔ binyumuhi enuɔ. Mɛ ji nɛ ɔmɛ nɛ: Teman, Omar, Zefo, Gatam, kɛ Kenaz. Elifaz kɛ e yo kpa nɛ a tsɛɛ lɛ Timna fɔ binyumu kake kɛ piɛ e bimɛ ɔmɛ a he; e biɛ ji Amalek. Esau kɛ e yo Basemat fɔ binyumu kake; e biɛ ji Reuel. Reuel fɔ binyumuhi eywiɛ. Mɛ ji Nahat, Zera, Shama, kɛ Miza.
11
12
13
14 Esau kɛ e yo Oholibama, Zibeon bi Ana biyo ɔ, fɔ binyumuhi etɛ. Mɛ ji Yeush, Yalam, kɛ Kora.
15 Wɛtsohi nɛ je Esau mi ji nɛ ɔmɛ nɛ: Esau bitɛte Elifaz ji wɛtso nɛ ɔmɛ a nɛ̃: Teman, Omar, Zefo, Kenaz,
16 Kora, Gatam kɛ Amalek. Esau yo Ada nina ji ni nɛ ɔmɛ tsuo.
17 Esau binyumu Reuel ji wɛtso nɛ ɔmɛ a nɛ̃: Nahat, Zera, Shama, kɛ Miza. Esau yo Basemat nina ji ni nɛ ɔmɛ tsuo.
18 Wɛtso nɛ ɔmɛ je Esau yo Oholibama, Ana biyo ɔ mi: Yeush, Yalam, kɛ Kora.
19 Esau nina ji wɛtso nɛ ɔmɛ tsuo.
Seir nina
(<x>130 1:38-42</x>)
20 Hori no ɔ nɛ a tsɛɛ lɛ Seir ɔ nina ji wɛtsohi nɛ Edom bi ɔmɛ je a mi ɔ nɛ. Wɛtso ɔmɛ a biɛhi ji Lotan, Shobal, Zibeon, Ana, Dishon, Ezer, kɛ Dishan.
21
22 Lotan binyumuhi ji Hori kɛ Heman. Lotan ngɛ nyɛmiyo ko nɛ a tsɛɛ lɛ Timna.
23 Shobal binyumuhi ji Alvan, Manahat, Ebal, Shefo, kɛ Onam.
24 Zibeon binyumuhi ji Aya kɛ Ana. Ana nɛ ɔ ji nɔ nɛ ya na nyu la vuhi ngɛ nga a nɔ, benɛ e ngɛ e tsɛ Zibeon teji ɔmɛ hyɛe ɔ nɛ.
25 Ana ji Dishon tsɛ. Dishon ji Hemdan, Eshban, Itran, kɛ Keran a nɛ̃. Ana ngɛ biyo ko hu nɛ a tsɛɛ lɛ ke Oholibama.
26
27 Ezer binyumuhi ji nɛ ɔmɛ nɛ: Bilhan, Zaavan, kɛ Akan.
28 Dishan binyumuhi ji Uz kɛ Aran.
29 Hor wɛtso ɔmɛ nɛ ngɛ Edom zugba a nɔ ji nɛ ɔmɛ nɛ: Lotan, Shobal, Zibeon, Ana, Dishon, Ezer, kɛ Dishan.
30
Edom matsɛmɛ ɔmɛ
(<x>130 1:43-54</x>)
31 Loko a wo matsɛ ngɛ Israel ɔ, nyumuhi nɛ ye matsɛ ngɛ Edom zugba a nɔ kɛ nyɛɛ a sibi a se ji nɛ ɔmɛ: Beor bi Bela nɛ je Dinhaba Zera bi Yobab nɛ je Bozra Husham nɛ je Teman zugba a nɔ Bedad bi Hadad nɛ je Avit (Hadad ji nɔ nɛ ye Midian bi ɔmɛ a nɔ kunimi ngɛ ta mi, ngɛ Moab zugba a nɔ ɔ nɛ) Samla nɛ je Masreka Shaul nɛ je Rehobot, ngɛ pa a he Akbor bi Baal Hanan Hadad nɛ je Pau (E yo biɛ ji Mehetabel, Mezahab biyo Matred bi ɔ)
32
33
34
35
36
37
38
39
40 Esau ji Edom wɛtso nɛ ɔmɛ a nɛ̃: Timna, Alva, Yetet, Oholibama, Ela, Pinon, Kenaz, Teman, Mibzar, Magdiel, kɛ Iram. A kɛ wɛtso nɛ ɔmɛ a biɛhi wo hehi nɛ a hi ɔ.