Yakob tu fo kɛ je Laban he
1
2 Jehanɛ, Yakob yɔse kaa Laban tsɔ we e hɛ mi ha we lɛ hu kaa sa a.
3 Kɛkɛ nɛ Yawɛ de Yakob ke, “Kpale o se kɛ ho o weku li a ngɔ ya, ngɛ o tsɛmɛ a zugba a nɔ. I kɛ mo maa hi si.”
4
5 E de mɛ ke, “I na kaa nyɛ tsɛ tsɔ we e hɛ mi ha we mi hu kaa sa a; se tsaatsɛ e Mawu ɔ kɛ mi ngɛ.
6 Nyɛ tsuo nyɛ le kaa i tsu ní ha nyɛ tsɛ kɛ ye he wami tsuo.
7 Nyɛ tsɛ sisi mi, nɛ e tsake ye hiɔwo ɔ si nyɔngma. Se Mawu ngmɛ́ lɛ blɔ nɛ e pee mi yayami ko.
8 Be tsuaa be nɛ Laban ma de ke, ‘A kɛ lohwehi kɛ a he huatahuata maa wo mo hiɔ’ ɔ, kɛkɛ jijɔ ɔmɛ tsuo fɔ bimɛ kɛ a he huatahuata.
9 Bɔ nɛ Mawu pee nɛ e kɛ kpɔ nyɛ tsɛ lohwe ɔmɛ kɛ ha mi ji nɛ ɔ nɛ.
10
11 Mawu bɔfo ɔ kɛ mi tu munyu ngɛ nlami ɔ mi ke, ‘Yakob!’ Nɛ i he nɔ ke, ‘I ngɛ hiɛ ɔ!’
12 E ya nɔ nɛ e de ke, ‘Hyɛ, to akpakpo ɔmɛ tsuo nɛ ngɛ yi ɔmɛ kuɔe ɔ, ekomɛ a he ngmaangmaa, ekomɛ a he ngɛ huatahuata, nɛ ekomɛ a he tsɔɔtsɔɔ mi. I ha nɛ nɔ́ nɛ ɔ ba mi ja, ejakaa i na níhi tsuo nɛ Laban ngɛ mo pee ɔ.
13
14
15 E buu wɔ kaa ma se yihi. E jua wɔ, nɛ wa yi ní ɔ hu e ye ta!
16 Níhi tsuo nɛ Mawu kpɔ ngɛ wa tsɛ dɛ ɔ ma ba pee waa kɛ wa bimɛ wa nɔ́. Lɔ ɔ he ɔ, nɔ́ tsuaa nɔ́ nɛ Mawu de mo ke o pee ɔ, pee.”
17
18
19 Jamɛ a be ɔ mi ɔ, Laban ho e to ɔmɛ a he bwɔmi sami ya; nɛ benɛ e be we ɔ mi ɔ, Rahel ju e tsɛ wɔ ɔmɛ.
20 Yakob sisi Laban, Aram no ɔ; e ha we nɛ Laban nɛ le kaa e yaa.
21 Yakob ngɔ nɔ́ tsuaa nɔ́ nɛ ngɛ e dɛ ɔ kɛ tu fo. E po Yufrate pa a, nɛ e pue nɔ kɛ yaa Gilead yo ɔ he.
Laban nyɛɛ Yakob se
22
23 Laban ngɔ e nyɛmimɛ ɔmɛ ngɔ piɛ e he, nɛ a nyɛɛ Yakob se ligbi kpaago kɛ ya si a ya na lɛ ngɛ Gilead yo ɔ he.
24 Jamɛ a nyɔ ɔ mi ɔ, Mawu je e he kpo ngɔ tsɔɔ Laban, Aram no ɔ ngɛ nlami je, nɛ e de lɛ ke, “Hyɛ nɛ hi nɛ o kɛ Yakob ko tu munyu ko; yaya jio, kpakpa jio.”
25 Benɛ Laban ya na Yakob ɔ, Yakob ma e bo tsu ɔ ngɛ yo ɔ he, nɛ lɛ, Laban ɔ lɛɛ e kɛ e nyɛmimɛ ɔmɛ ma a bo tsu ɔ ngɛ Gilead yo ɔ he.
26
27 Mɛni he je o sisi mi, nɛ o ku kɛ je nigii nɛ o de we mi ɔ? Kaa o de mi jinɛ tse i kɛ bua jɔmi, kɛ la, kɛ miɛ, kɛ saku ba je mo blɔ!
28 O ha we po nɛ i kɛ ye bibi ɔmɛ, kɛ ye biyi ɔmɛ nɛ ye sɛ. O ye kuasiahi a sane.
29 Jinɛ i ngɛ he wami nɛ ma nyɛ pee mo yayami, se hiɛ nyɔ mi ɔ, o tsɛmɛ a Mawu ɔ bɔ mi kɔkɔ ke i kɛ mo ko tu munyu yaya ko.
30 I le kaa o hɛ ngɛ jae ngɛ we he, nɛ lɔ ɔ he o je ɔ nɛ. Se mɛni he je o ju ye wɔ ɔmɛ kɛ je?”
31
32 O wɔ ɔmɛ lɛɛ ke o na mɛ ngɛ wa ti nɔ ko dɛ ngɛ hiɛmɛ nɛ ɔ, ja a gbe lɛ. Ngɛ wa nyɛmimɛ ɔmɛ a hɛ mi ɔ, tsɔɔ mi o nɔ́ ko nɛ ba je ye dɛ, konɛ o ngɔ.” Se Yakob li tete kaa Rahel ju Laban wɔ ɔmɛ.
33
34 Rahel ji nɔ nɛ ju wɔ ɔmɛ; e kɛ wɔ ɔmɛ wo e we afukpɔngɔ ɔ se kotoku ɔ mi, nɛ e hi nɔ. Laban hla wɔ ɔmɛ kɛ kpa bo tsu ɔ mi tsuo, se e nɛ.
35 Rahel de e tsɛ ɔ ke, “Tsaatsɛ, o mi mi ko fu mi kaa i ti si ha we mo; i je mi.” Laban hla wɔ ɔmɛ kɛ kpa bo tsu ɔ mi, se e nɛ.
36
37 O kpa ye níhi tsuo a mi. Mɛni ji nɔ́ nɛ o na nɛ ji o nɔ́ ngɛ ní ɔmɛ a kpɛti? Je lɛ kpo kɛ ba hiɛ ɔ, ngɛ ye nyɛmimɛ ɔmɛ, kɛ mo hu o nyɛmimɛ ɔmɛ a hɛ mi, nɛ a kojo i kɛ mo.
38 Jeha nyingmi enyɔ sɔuu ji nɛ ɔ nɛ i kɛ mo hi si. O jijɔ yi ɔmɛ, kɛ apletsi yi ɔmɛ eko mi mi sane we hyɛ; o we agbosu ko hu i yi hyɛ.
39 Ke lohwe awi yeli ba tsɔtslɔɔ jijɔ ko mi ɔ, hiɔ ɔ peeɔ ye nɔ́ nɛ i woɔ; i kɛ lohwe gbogboe ko ba tsɔɔ we mo hyɛ. Ke a ju nɔ́ ko, piani jio, nyɔ mi jio, o haa nɛ i woɔ mo hiɔ sisiisi.
40 Latsa tsaa mi piani, nɛ fĩɛ yee mi nyɔ mi; nɛ be komɛ ɔ, mahe jee ye hɛ mi.
41 Kikɛ nɛ ɔ i pee nɛ i kɛ ye jeha nyingmi enyɔ sɔuu ngɛ o ngɔ. I tsu ní jeha nyɔngma kɛ eywiɛ, nɛ i kɛ ngɔ o biyi enyɔ ɔmɛ. Jehanɛ, i hyɛ o to ɔmɛ jeha ekpa, se kɛ̃ o tsake ye hiɔwo ɔ si nyɔngma.
42 Ke pi nɛnɛ Abraham, kɛ tsaatsɛ Isak a Mawu ɔ nɛ e kɛ mi ngɛ ɔ, jinɛ o wo mi blɔ dɛ gu kɛ je momo. Se Mawu na ye nɔ́ nami ɔ, kɛ ní tsumi kpakpataa nɛ i tsu ɔ; enɛ ɔ he je nɛ e ka o hɛ mi hiɛ nyɔ mi ɔ nɛ.”
Yakob kɛ Laban so
43
44 ha nɛ i kɛ mo waa so. Ha nɛ nɔ́ nɛ ɔ nɛ pee odase ngɛ i kɛ mo wa kpɛti.”
45
46 E fa e nyɛmimɛ ɔmɛ ke a bua tɛhi a nya nɛ a to glekuglekuu. Enɛ ɔ se ɔ, a ye ní ngɛ tɛhi nɛ a to glekuglekuu ɔ a kasa nya ngɛ lejɛ ɔ.
47 Laban wo lejɛ ɔ biɛ ke Yegar Sahaduta;
48 Laban de Yakob ke, “Kikɛmɛ a tɛ kuu nɛ ɔ maa pee odase nɔ́ ha wɔ ni enyɔ ɔmɛ tsuo.” Enɛ ɔ he je nɛ a wo lejɛ ɔ biɛ ke Galeed ɔ nɛ.
49 Laban hu de Yakob ke, “Be mi nɛ i kɛ mo wa mi gba a, Yawɛ nɛ bu wa he.” Enɛ ɔ he je ɔ, a wo lejɛ ɔ biɛ kpa ke Mizpa.
50 Laban ya nɔ nɛ e de ke, “Ke o ya wa ye biyi ɔmɛ yi mi, aloo o ya ngɔ yi kpa komɛ ngɔ piɛ a he nɛ i li po ɔ, kai kaa Mawu ji imi kɛ mo wa we odase.
51 Tɛ kuu ɔ nɛ maa hi imi kɛ mo wa kpɛti ɔ ji nɛ ɔ nɛ; kaimi tɛ ɔ hu ji nɛ ɔ nɛ.
52 Tɛ kuu nɛ ɔ, kɛ kaimi tɛ nɛ ɔ ji odasehi. I be tɛ kuu nɛ ɔ he bee gblegbleegble kɛ ba tua mo. Ja nɔuu, mo hu o ko be tɛ kuu nɛ ɔ, loo kaimi tɛ nɛ ɔ he kɔkɔɔkɔ kɛ ba tua mi.
53 Abraham kɛ Nahor
54 Yakob gbe lohwe nɛ e kɛ sã bɔ ngɛ yoku ɔ nɔ. E tsɛ e nyɛmimɛ ɔmɛ ní yemi; benɛ a ye ní ɔ gbe nya a, a hi yoku ɔ nɔ nyɔ ɔ mi tsuo.
55 Makɛ mla a, Laban fiɔ e bibimɛ ɔmɛ, kɛ e biyi ɔmɛ a nya he, nɛ e gbaa mɛ, nɛ e kpale e se kɛ ho e ma mi ya.